روشني اور اندھیرا

دوسری بحث بدعت کے اندھیرے

پہلا مطلب....بدعت کا مفہوم:

بدعت کا لغوی مفہوم:....بدعت عربی زبان میں دین کی تکمیل کے بعد اس میں کسی نئی چیز کی ایجاد کو کہتے ہیں،یا ہر اس من مانی قول یا عمل کو کہتے ہیں جس کو نبی کریم صلی اللہ علیہ وسلم کے بعد ایجاد کیا گیا ہو۔[1] کہا جاتا ہے ’’ابتدعت الشيء‘‘،’’میں نے فلاں شے ایجاد کی،جب کوئی قول یا عمل بلا کسی مثال سابق کے ایجاد کیا ہو۔‘‘ [2] الغرض ’’بدع‘‘ کا لفظ کسی چیز کے بلا کسی مثال سابق ایجاد کے لیے ہی بولا جاتا ہے،اور اسی سے ارشاد باری تعالیٰ ہے: ﴿بَدِیْعُ السَّمٰوٰتِ وَ الْاَرْضِ﴾ [3] بھی ہے،’’یعنی اللہ تعالیٰ بلا کسی مثال سابق کے آسمانوں اور زمین کو وجود بخشنے والا ہے۔‘‘[4]

اور شریعت کی اصطلاح میں اہل علم نے بدعت کی مختلف تعریفیں کی ہیں،جن میں سے بعض تعریفیں بعض کا تتمہ ہیں،چند تعریفیں درج ذیل ہیں :

(۱) شیخ الاسلام ابن تیمیہ رحمہ اللہ فرماتے ہیں :

’’دین اسلام میں بدعت ہر اس امر کو کہتے ہیں جسے نہ اللہ تعالیٰ نے مشروع کیا