روشني اور اندھیرا

مقدمہ

إِنَّ الْحَمْدَ لِلّٰہِ،نَحْمَدُہُ وَنَسْتَعِیْنُہُ وَنَسْتَغْفِرُہٗ وَنَعُوْذُ بِاللّٰہِ مِنْ شُرُوْرِ أَنْفُسِنَا وَمِنْ سَیِِّئَاتِ أَعْمَالِنَا مَنْ یَّہْدِہِ اللّٰہُ فَلَا مُضِلَّ لَہٗ وَمَنْ یُّضْلِلْ فَلَا ہَادِيَ لَہٗ،وَأَشْہَدُ أَنْ لاَّ إِلٰہَ إِلاَّ اللّٰہُ وَحْدَہٗ لَا شَرِیْکَ لَہٗ وَأَشْہَدُ أَنَّ مُحَمَّدًا عَبْدُہٗ وَرَسُوْلُہٗ،صَلَّی اللّٰہُ عَلَیْہِ وَعَلیٰ آلِہِ وَأَصْحَابِہِ وَمَنْ تَبِعَہُمْ بِإِحْسَانٍ إِلیٰ یَوْمِ الدِّیْنِ،وَسَلِّمْ تَسْلِیْمًا کَثِیْرًا،أَمَّا بَعْدُ!

ایمان کے نور اور نفاق کی تاریکیوں کے سلسلہ میں یہ ایک مختصر سا رسالہ ہے،جس میں مَیں نے ایمان کا مفہوم،اس کے حصول کے طریقے،اس کے فوائد و ثمرات،اس کی شاخیں اور مومنوں کے اوصاف،نیز نفاق کا مفہوم،اس کے انواع و اقسام،اس کے نقصانات اور منافقوں کے اوصاف بیان کیے ہیں۔

اس میں کوئی شک نہیں کہ اللہ تعالیٰ مومنوں کا مددگار ہے،اپنی نصرت و توفیق سے ان کی دیکھ ریکھ کرتا ہے اور انھیں کفر،نفاق،گمراہی اور جہالت کی تاریکیوں سے نکال کر علم،ایمان اور ہدایت کی روشنی کی طرف لاتا ہے،اللہ عزوجل کا ارشاد ہے:

﴿ اللَّهُ وَلِيُّ الَّذِينَ آمَنُوا يُخْرِجُهُمْ مِنَ الظُّلُمَاتِ إِلَى النُّورِ ﴾ (البقرۃ:۲۵۷)

’’ اللہ تعالیٰ ایمان والوں کا ولی ہے،وہ انھیں تاریکیوں سے نکال کر روشنی کی طرف لاتا ہے۔‘‘

ساتھ ہی اللہ عزوجل نے بیان فرمایا ہے کہ کافروں کے مددگار جو ان کی دیکھ بھال کرتے