Maktaba Wahhabi

95 - 326
پہلا مبحث ایمان کا نور پہلا مطلب:....ایمان کا مفہوم: اوّلاً: ایمان کا لغوی و اصطلاحی مفہوم: ....ایمان کے لغوی معنی،تصدیق کے ہیں،برادرانِ یوسف نے اپنے والد سے کہا تھا: ﴿وَمَا أَنْتَ بِمُؤْمِنٍ لَّنَا﴾ (یوسف: ۱۷) یعنی آپ ہماری (باتوں کی) تصدیق کرنے والے نہیں ہیں۔ ایمان کی حقیقت (اصطلاحی مفہوم) :....ایمان قول و عمل سے مرکب ہے،یعنی دل و زبان کا اقرار اور دل و زبان اور اعضا و جوارح کا عمل،یہ چار چیزیں دین اسلام کی جامع ہیں : ۱۔ دل کا قول (اقرار): یعنی دل کی تصدیق،یقین اور اعتقاد۔ ۲۔ زبان کا قول یعنی شہادتین (کلمہ شہادت): ’’ لا الہ الا اللہ محمد الرسول اللہ ‘‘ ( صلی اللہ علیہ وسلم ) کی زبان سے ادائی اور اس کے لوازمات کا اقرار۔ ۳۔ دل کا عمل: یعنی نیت،اخلاص،محبت،تابعداری،اللہ کی طرف کامل توجہ،اس پر توکل و اعتماد اور اس کے لوازمات و متعلقات۔ ۴۔ زبان اور اعضا و جوارح کا عمل: زبان کا عمل وہ چیزیں ہیں جو زبان کے بغیر ادا نہیں ہوسکتیں،جیسے تلاوتِ قرآنِ کریم،بقیہ اذکار و وظائف اور دُعا و استغفار وغیرہ اور اعضا و جوارح کا عمل وہ چیزیں ہیں جن کی ادائی اعضا و جوارح سے ہی ممکن ہے،جیسے قیام،رکوع،سجدہ اور اللہ کی مرضی میں چلنا پھرنا،جیسے مساجد،حج،جہاد فی سبیل اللہ،امربالمعروف ونہی عن لمنکر اور ان کے علاوہ ان تمام کاموں کے لیے آمد و رفت جن کا
Flag Counter