روشني اور اندھیرا

منافق مردوں،عورتوں اور کافروں سے جہنم کی آگ کا وعدہ کرچکا ہے،جہاں پر ہمیشہ رہنے والے ہیں،یہ جہنم انھیں کافی ہے،اللہ نے ان پر لعنت فرمائی ہے اور ان کے لیے دائمی عذاب ہے۔‘‘

ان دونوں آیات میں منافقین کے درج ذیل اوصاف ظاہر ہوئے ہیں :

۱۔ منافقین آپس میں ایک ہی ہیں،اور وہ ایک دوسرے سے دوستی رکھتے ہیں۔

۲۔ منافقین برائی کا حکم دیتے ہیں اور بھلائی سے منع کرتے ہیں۔

۳۔ منافقین صدقہ اور احسان کے دیگر کاموں سے ہاتھ کھینچتے ہیں،چنانچہ یہ انتہائی درجہ کے بخیل لوگ ہیں۔

۴۔ انھوں نے اللہ کو بھلادیا،اللہ کو برائے نام ہی یاد کرتے ہیں،چنانچہ اللہ نے بھی انھیں اپنی رحمت سے بھلادیا،انھیں کسی خیر کی توفیق نہیں دیتا۔

۵۔ منافقین فاسق و بدکار ہیں۔

ھشتم: ....اللہ عزوجل کا ارشاد ہے:

﴿الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ (79) اسْتَغْفِرْ لَهُمْ أَوْ لَا تَسْتَغْفِرْ لَهُمْ إِنْ تَسْتَغْفِرْ لَهُمْ سَبْعِينَ مَرَّةً فَلَنْ يَغْفِرَ اللَّهُ لَهُمْ ذَلِكَ بِأَنَّهُمْ كَفَرُوا بِاللَّهِ وَرَسُولِهِ وَاللَّهُ لَا يَهْدِي الْقَوْمَ الْفَاسِقِينَ﴾[التوبۃ:۷۹۔۸۰]

’’ جو لوگ ان مومنوں پر طعنہ زنی کرتے ہیں ان پر جو دل کھول کر خیرات کرتے ہیں اور ان لوگوں پر بھی جنھیں سوائے اپنی محنت مزدوری کے اور کچھ میسر ہی نہیں،پس یہ ان کا مذاق اُڑاتے ہیں،اللہ تعالیٰ بھی ان سے تمسخر کرتا ہے،اور انہی کے لیے دردناک عذاب ہے۔آپ ان کے لیے بخشش طلب کریں یا نہ کریں،اگر آپ ان کے لیے ستر مرتبہ بھی بخشش طلب کریں تو بھی اللہ تعالیٰ انھیں ہرگز نہ