|
اس طواف سے پہلے کندھوں کو ڈھانپ کر رکھنا چاہیے اوریہ طواف مکمل ہوتے ہی پھر اپنے دونوں کندھوں کو اوپر والی چادر سے ڈھانپ لیں اورنمازوں کے دوران مناسکِ حج کے وقت دوبارہ کبھی بھی یہ ہیئتِ اضطباع جائز نہیں۔ جبکہ اکثر وبیشتر حجا ج کو دیکھا گیا ہے کہ کم علمی کی وجہ سے جب وہ میقات سے احرام باندھتے ہیں تب سے لے کر عمرہ کا احرام کھولنے تک اورپھر حج کا احرام باندھنے سے لے کر تمام مناسکِ حج مکمل کرنے تک اپنے دائیں کندھے کو ننگا ہی رکھتے ہیں اوراسی طرح تمام نمازیں بھی پڑھتے رہتے ہیں جوکہ ہرگز صحیح نہیں ہے حتیٰ کہ طواف کی دو رکعتیں بھی دونوں کندھوں کوڈھانپ کرپڑھنا ضروری ہے۔ (التحقیق والإیضاح، ص: ۲۹)
|