روشني اور اندھیرا

تقویت اور اس کی تکمیل اس چیز کی معرفت ہی سے ہوسکتی ہے جس سے ایمان حاصل ہوتا ہے (یعنی جو ایمان کا مرجع و مصدر ہے) کیونکہ ایمان کے حصول،اس میں تقویت اور اضافہ کے اسباب بکثرت ہیں،جن میں سے چند حسب ذیل ہیں :

پہلا سبب: ....کتاب اللہ اور سنت رسول میں وارد اللہ تعالیٰ کے اسمائے حسنیٰ کی معرفت،ان کے معانی کو سمجھنے کی کوشش اور ان کے ذریعے اللہ کی عبادت و بندگی۔اللہ عزوجل کا ارشاد ہے:

﴿وَلِلَّهِ الْأَسْمَاءُ الْحُسْنَى فَادْعُوهُ بِهَا وَذَرُوا الَّذِينَ يُلْحِدُونَ فِي أَسْمَائِهِ سَيُجْزَوْنَ مَا كَانُوا يَعْمَلُونَ ﴾ [الاعراف:۱۸۰]

’’ اور اچھے اچھے نام اللہ ہی کے لیے ہیں لہٰذا اللہ کو انہی ناموں سے پکارو اور ایسے لوگوں سے تعلق بھی نہ رکھو جو اس کے ناموں میں (الحاد) کج روی کرتے ہیں،ان لوگوں کو ان کے کیے کی سزا ضرور ملے گی۔‘‘

نبی کریم صلی اللہ علیہ وسلم کا ارشاد ہے:

(( إِنَّ لِلّٰہِ تِسْعَۃً وَّتِسْعَیْنِ أَسْمَائً،مِائَۃَ إِلاَّ وَاحِدًا،مَنْ أَحْصَاہَا دَخَلَ الْجَنَّۃَ۔)) [1]

’’ بے شک اللہ عزوجل کے ایک کم سو یعنی ننانوے (۹۹) نام ایسے ہیں کہ جس نے انھیں شمار کیا وہ جنت میں داخل ہوگا۔‘‘

چنانچہ معلوم ہوا کہ یہ ایمان کا سب سے عظیم سرچشمہ اور اس کے حصول اور اس کی قوت و ثبات کا مرکز اصیل ہے،اللہ عزوجل کے اسما حسنیٰ کی معرفت ایمان کی بنیاد ہے اورتوحید کی تینوں