روشني اور اندھیرا

﴿هُوَ الَّذِي خَلَقَ لَكُمْ مَا فِي الْأَرْضِ جَمِيعًا ﴾ [البقرہ:۲۹]

’’ وہ اللہ کی ذات ہے جس نے تمہارے لیے زمین کی ساری چیزیں پیدا فرمائیں۔‘‘

نیز ارشاد ہے:

﴿أَلَمْ تَرَوْا أَنَّ اللَّهَ سَخَّرَ لَكُمْ مَا فِي السَّمَاوَاتِ وَمَا فِي الْأَرْضِ وَأَسْبَغَ عَلَيْكُمْ نِعَمَهُ ظَاهِرَةً وَبَاطِنَةً﴾ [لقمان:۲۰]

’’ کیا تم نہیں دیکھتے کہ اللہ تعالیٰ نے آسمانوں اور زمین کی ہر چیز کو تمہارے لیے مسخر کردیا ہے اور تمھیں اپنی ظاہری و باطنی نعمتیں بھرپور دے رکھی ہیں۔‘‘

نیز ارشاد ہے:

﴿وَسَخَّرَ لَكُمْ مَا فِي السَّمَاوَاتِ وَمَا فِي الْأَرْضِ جَمِيعًا مِنْهُ إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ﴾ [الجاثیہ:۱۳]

’’ اور آسمان و زمین کی ہر ہر چیز کو اس نے اپنی طرف سے تمہارے تابع کردیا ہے،یقیناً اس میں غور و فکر کرنے والوں کے لیے بہت سی نشانیاں ہیں۔‘‘

یہ احسان تمام ظاہری و باطنی،حسی و معنوی نعمتوں کو شامل ہے،چنانچہ آسمانوں اور زمین کی تمام چیزیں اس انسان کے لیے مسخر کردی گئی ہیں۔یہ آسمانوں و زمین،ان کے درمیان کی تمام مخلوقات،سورج،چاند،ستارے و سیارے،پہاڑ،سمندر،نہریں،ہر قسم کے حیوانات،درخت،پھل،معادن اور ان کے علاوہ بنی آدم کے مصالح اور عبرت،فائدہ اور لطف اندوزی کی ضرورتوں کے مصالح کو شامل ہیں۔یہ ساری چیزیں اس بات پر دلالت کرتی ہیں کہ تنہا اللہ تعالیٰ کی ذات ہی وہ معبود ہے جس کے علاوہ کسی کے لیے عبادت،ذلت و انکساری اور حقیقی محبت لائق و سزاوار نہیں اور یہ اللہ عزوجل کے حق ہونے اور اس کے علاوہ جن کی عبادت کی جاتی ہے ان کے باطل ہونے کے وہ عقلی دلائل ہیں،جن میں شک و شبہ کی کوئی گنجائش نہیں۔[1]