12. ابو علی رحمہ اللہ بن حسین بن علی النیسابوری (م ۳۴۹ھ):
علامہ الکتانی رحمہ اللہ نے ان کی کتاب کا ذکر کیا ہے۔
13. حافظ ابو بکر رحمہ اللہ احمد بن محمد الخلال (م ۳۱۱ھ):
حنبلی مسلک رکھتے تھے، بلکہ فقہ حنبلی کو مرتب کرنے میں ان کا بڑا عمل دخل ہے۔ علامہ ذہبی رحمہ اللہ فرماتے ہیں:
’’مؤلف علم أحمد وجامعہ ومرتبہ‘‘
حافظ ذہبی رحمہ اللہ نے ان کی کتاب العلل کا ذکر ان الفاظ سے کیا ہے:
’’وصنف کتاب العلل في عدۃ مجلدات‘‘[1]
14. ابو عبداللہ رحمہ اللہ محمد بن عبداللہ الحاکم النیسابوری (م ۴۰۵ھ):
ان کا مختصر تذکرہ پہلے گزر چکا ہے۔ علامہ الکتانی رحمہ اللہ نے ان کی کتاب کا ذکر کیا ہے۔
15. عمرو رحمہ اللہ بن علی الفلاس (م ۲۴۹ھ):
یہ امام ابو زرعہ رحمہ اللہ اور ابو حاتم رحمہ اللہ کے استاد ہیں۔ حافظ ابن حجر رحمہ اللہ نے ان کی کتاب کا ذکر کرتے ہوئے لکھا ہے:
’’وقد صنف المسند والعلل والتاریخ‘‘[2]
16. ابو علی حسن رحمہ اللہ بن محمد الزجانی:
ان کی کتاب کا ذکر حاجی خلیفہ نے کیا ہے۔[3]
|