سوئے حرم حج و عمرہ اور قربانی کے احکام و مسائل

طاقت کی تعیین اورمفہومِ استطاعت کے سلسلے ہی میں سنن دارقطنی اور مستدرک حاکم میں حضرت انس رضی اللہ عنہ سے مروی ایک روایت ہے ،جس کی سند کو حافظ ابن حجر عسقلانی رحمہ اللہ نے تلخیص میں حضرت حسن رحمہ اللہ تک صحیح قرار دیا ہے اور اسے ’’مرسل ‘‘کہا ہے اور اس کے موصول ہونے کو وہم قراردیا ہے۔

(الفتح الرباني: ۱۱/ ۴۰، مرعاۃ المفاتیح: ۲۸۶۶)

اس روایت میں ہے :

(( قِیْلَ: یاَ رَسُوْلَ اللّٰہِ ! مَا السَّبِیْلُ؟ ))

’’نبی اکرم صلی اللہ علیہ وسلم سے پوچھا گیا کہ (ارشادِ ربانی : {مَنِ اسْتَطَاعَ اِلَیْہِ سَبِیْلًا} میں) سبیل سے کیامراد ہے؟ اس پر نبی اکرم صلی اللہ علیہ وسلم نے فرمایا:

(( اَلزَّادُ وَالرَّاحِلَۃُ )) [1]’’زادِ راہ اورسواری ۔‘‘