|
نبی کریم صلی اللہ علیہ وسلم اور مسلمانوں کو مطلع فرمایا ہے۔اور انھیں ان کے دنیوی و اخروی انجام کار سے بھی آگاہ فرمایا ہے۔
نفاق کی دو قسمیں ہیں : نفاق عملی اور نفاق اعتقادی۔
عملی نفاق یہ ہے کہ آدمی عقیدتاً تو اسلام ظاہر کرکے کفر نہ چھپائے لیکن علانیہ نیکی ظاہر کرے اور اس کے خلاف پوشیدہ رکھے،یعنی عملاً اس کی انجام دہی میں کوتاہی کرے،عملی نفاق سے انسان دائرۂ اسلام سے خارج نہیں ہوتا لیکن گناہ گار ضرور ہوتا ہے،جب کہ اعتقادی نفاق سے انسان دائرۂ اسلام سے خارج ہوجاتا ہے۔
یہ موضوع اس ناحیہ سے زیادہ اہمیت کا حامل ہے کہ موجودہ وقت میں بہت سے لوگ شعوری یا غیر شعوری طور پر عملی نفاق میں ملوث ہیں،ایسی حالت میں لوگوں کو نفاق کی حقیقت،اس کی علامتوں اور اس کے دنیوی و اخروی انجام وغیرہ سے آگاہ کرنا ناگزیر ہے تاکہ لوگ ( اللہ ہمیں عافیت عطا فرمائے ) اعتقادی نفاق میں ملوث نہ ہوجائیں،کیوں کہ شیطان رفتہ رفتہ کفر کے قریب لاتا ہے اور عملی کوتاہیاں اعتقادی کوتاہیوں کا آغاز ہوا کرتی ہیں۔
زیر نظر کتاب میں مملکت سعودی عرب کے معروف عالم دین فضیلۃ الشیخ ڈاکٹر سعید بن علی قحطانی حفظہ اللہ نے (اپنی تمام تالیفات کی طرح) کتاب و سنت کے نصوص اور سلف صالحین کے فرمودات پر مشتمل مستند حوالوں کی روشنی میں ایمان کے مفہوم،اس کے ثمرات و فوائد،اس کی شاخوں،مومنوں کے اوصاف،نیز نفاق کے مفہوم،اس کے انواع و اقسام اور منافقین کے اوصاف کی وضاحت فرمائی ہے۔
راقم کی یہ پانچویں طالب علمانہ کاوش ہے جو اللہ کی توفیق سے زیور طبع سے آراستہ ہورہی ہے،میں اپنے تمام اسلامی بھائیوں،بالخصوص طالبان علوم نبویہ کے سامنے اس کتاب کا اُردو ترجمہ پیش کرتے ہوئے سب سے پہلے اللہ ذوالجلال کا شکریہ ادا کرتا ہوں جس کی توفیق اور مدد سے کتاب کا ترجمہ پایۂ تکمیل کو پہنچا،اس کے بعد اپنے والدین بزرگوار کا شکر ادا کرتا ہوں جن کی انتھک تعلیمی و تربیتی کوششوں کی بدولت دین اسلام کی ادنیٰ سی خدمت کا شرف
|