|
اس دنیا کو اللہ تعالیٰ نے عالم اسباب بنایاہے اوراس میں اپنے اٹل قانون بنائے ہیں کہ جواس طرح کرے گااس کا اٹل طورپر یہ نتیجہ نکلے گایا کوئی کسی کو کسی چیز سے قتل کرنے کا ارادہ کرے یا عملی قدم اٹھائے پھر اگر اللہ تعالیٰ کی طرف سے اس کی مشیت بھی اس کے موافق ہے تو اس کے مرنے کانتیجہ نکلے گا اورجو زہر کھائے گا اس کا نتیجہ یہ نکلے گا کہ وہ آدمی مرجائے گااورجو کوئی صحیح دوااستعمال کرے گا اس کو صحت عطاہوگی بہرحال ہرذرہ برابر کے متعلق مولیٰ کریم نے ایک قانون اورسنت جاریہ قائم کردی ہے اوراس کے نتائج مقررکردیئے ہیں۔
لہٰذا انسان نافع یا ضار کو ئی بھی کام کرے وہ چونکہ اللہ تعالیٰ کے مقررکردہ قانون اورنتیجہ کے مطابق وجود میں آیا ہے لہٰذا وہ اللہ تعالیٰ کی طرف سے ہوا اورانسان کی طرف اس کی نسبت اس لیے کی جاتی ہے کہ اس نے اس سلسلہ میں اپنی کوشش کی اورمقررکردہ نتیجہ کےحصول کا سبب بنا۔یعنی نفع ونقصان کا انسان صرف سبب بنتا ہے اوراس کے نتیجہ کے لیے وہ کوشاں رہتا ہے اس لیے اس کی نسبت اس کی طرف کی جاتی ہے ۔جرم یا اجربھی اس کوشش کی وجہ سے ملتا ہے اورایک آدمی اگر کسی کو گولی مارتا ہے تواس کو مارنے والااللہ تعالیٰ ہے لیکن گولی مارنے کامرتکب وہی قاتل ہے مطلب کہ انسان کو سب کچھ اس کی کوشش اوراسباب کو اختیار کرنےکی وجہ سے ملتا ہے ورنہ وہ مکمل نتیجہ اللہ سبحانہ و تعالیٰ ہی نکالتا ہے اوراسی نے ہی فعل کا نتیجہ متعین فرمایاہے یہی وجہ ہے بسااوقات کئی لوگ گولیاں لگنے کے باوجودبچ جاتے ہیں یا کوئی آدمی زہر کھانے کے باوجود بچ جاتا ہے کیونکہ اصل مارنے والی تو اللہ کی ذات ہے اس کو مارنا نہیں تھا لہٰذا وہ بچ گیا تاہم جس نے گولی ماری یا زہر کھایا وہ جرم سےآزادنہیں سمجھا جائے گا کیونکہ اس کے ہاتھ میں وہی تھا جو اس نے کیا یقیناً وہ گناہ اس کو ملے گا پھراللہ چاہے تواس کو معاف کردے ،چاہے تواس کو سزا دے۔باقی گولیوں کا یا زہرکھانے کانتیجہ ’’مرنا‘‘اس آدمی کے ہاتھ میں نہیں تھا۔
لہٰذا قدرت کے ارادہ کے ماتحت وہ بچ گیا مگرزہرکھانے والااورگولیاں مارنے والا اپنی کوشش اوراسباب کی وجہ سے گنہگارضرورہوگا۔بعینہٖ اسی طرح نظر بدکوبھی اللہ تعالیٰ نے
|