توبہ و تقویٰ اسباب ، وسائل اور ثمرات گناہوں کے اثرات

نیک اعمال کے اثرات

نور ایمان اور صراط مستقیم کی طرف ہدایت اور اس پر استقامت ، اللہ تعالیٰ فرماتے ہیں :

﴿یَہْدِیْ بِہِ اللّٰہُ مَنِ اتَّبَعَ رِضْوَانَہُ سُبُلَ السَّلاَمِ وَیُخْرِجُہُمْ مِّنِ الظُّلُمَاتِ اِلَی النُّوْرِ بِاِذْنِہٖ وَیَہْدِیْہِمْ اِلٰی صِرَاطٍ مُّسْتَقِیْمٍ﴾

(المائدہ: ۱۶)

’’اللہ تعالیٰ اس( قرآن ) کے سبب سلامتی کی راہ کی طرف ہدایت دیتے ہیں اس کو جو اس کی رضامندی کی تلاش میں ہوں ، اوراپنی توفیق سے اندہیروں سے نکال کر ہدایت اور روشنی کی راہ پر گامزن کرتے ہیں ۔‘‘

۱۔ کئی امراض سے نجات:

نفسیاتی امراض اور اعصابی دباؤ وتناؤ ؛غم وپریشانی ، خوف ، بے چینی، نا امیدی، اور دیگر مشکلات سے نجات مل جاتی ہے۔ اللہ تعالیٰ فرماتے ہیں :

﴿اِنَّ الَّذِیْنَ قَالُوْا رَبُّنَا اللّٰہُ ثُمَّ اسْتَقَامُوْا تَتَنَزَّلُ عَلَیْْہِمُ الْمَلَآئِکَۃُ اَلاَّ تَخَافُوْا وَلَا تَحْزَنُوْا وَاَبْشِرُوْا بِالْجَنَّۃِ الَّتِیْ کُنْتُمْ تُوْعَدُوْنَ﴾

(فصلت:۳۰)

’’ بے شک جن لوگوں نے کہا: ہمارا رب اللہ ہے، اور پھر وہ اس پر ڈٹ گئے ، ان پر ملائکہ نازل ہوں گے ہیں ، نہ ہی تم گھبراؤ اور نہ غم کھاؤ ، اور تمہیں اس جنت کی خوش خبری ہو جس کا تم سے وعدہ کیا گیا تھا۔‘‘

۲۔ ایمان کا بڑھ جانا:

نیک اعمال کرنے سے ایمان بڑھتا ہے، اور برے اعمال کرنے سے ایمان کم ہوتا