|
اوّل:
یہ سب سے بدترین ہے، وہ وصف ہے جو مبالغہ پر دلالت کرے مثلاً: ’’فُلَانٌ اَکْذَبُ النَّاسِ‘‘ فلاں فلاں سے زیادہ جھوٹا ہے۔ یا ’’اِلَیْہِ المُنْتَھٰی فِی الْکَذِبِ‘‘ فلاں راوی پر جھوٹ کی انتہاء ہے۔ یا ’’ھُوَ رُکْنُ الکَذِبِ‘‘ وہ تو جھوٹ کا رکن ہے۔ یا ’’مَعْدِنَۃٌ‘‘ یعنی وہ تو جھوٹ کی کان ہے وغیرہ۔
ثانی:
جو پہلے سے کم مرتبہ ہے گو کہ مبالغہ پر مشتمل ہو۔ جیسے کہ ’’فُلَانٌ دَجَّالٌ‘‘ یا ’’کَذَّابٌ‘‘ یا ’’وَضَّاعٌ‘‘ (احادیث گھڑنے والا) ہے۔ اسی طرح ’’یَضَعُ الْحَدِیْثَ‘‘ وہ حدیث گھڑتا ہے۔ یا ’’یَکْذِبُ‘‘ وہ حدیث میں جھوٹ بولتا ہے۔
ثالث:
’’فُلَانٌ مُتَّھَمٌ بِالکَذِبِ، اَوْ بِالْوَضْعِ‘‘ فلاں متہم بالکذب ہے یا متہم بالوضع ہے۔ یا ’’یَسْرِقُ الْحَدِیْثَ‘‘ احادیث چوری کیا کرتا تھا۔ یا ’’سَاقِطٌ‘‘ فلاں گرا ہوا ہے۔ یا ’’مَتْرُوْکٌ‘‘ محدثین نے اسے چھوڑا ہوا ہے۔ یا ’’ہَالِکٌ‘‘ وہ ہلاک ہونے والا ہے۔ یا ’’ذَاہِبُ الْحَدِیْثِ‘‘ فلاں راوی روایات کو خلط ملط کرنے والا ہے۔ یا ’’تَرَکُوْہُ‘‘ محدثین نے اسے چھوڑ دیا ہے۔ یا ’’لَا یُعْتَبَرُ بِہٖ‘‘ فلاں کا کوئی اعتبار نہیں کیا جاتا۔ یا ’’لَیْسَ بِثِقَۃٍ‘‘ وہ ثقہ نہیں۔ وغیرہ وغیرہ۔
رابع:
مثلاً کہنا: ’’فُلَانٌ رُدَّ حَدِیْثُہُ‘‘ فلاں کی روایت کو رد کر دیا گیا ہے۔ یا ’’مَرْدُوْدُ الْحَدِیْثِ‘‘ فلاں راوی کی روایات مردود ہیں۔ یا ’’ضَعِیْفٌ جِدًّا‘‘ وہ بہت زیادہ ضعیف ہے۔ یا ’’وَاہٍ بِمَرَّۃٍ‘‘ فلاں راوی حتمی طور پر ضعیف ہے۔ یا ’’طَرَحُوْہُ‘‘ محدثین نے اسے پھینک دیا ہے۔ یا ’’لَا یُکْتَبُ حَدِیْثُہُ‘‘ فلاں راوی کی احادیث نہیں لکھی جاتیں۔ (مطلب ہے کہ وہ اس قابل ہی نہیں۔) یا ’’لَا تَحِلُّ الرَّوَایَۃُ عَنْہُ‘‘ فلاں سے روایت کرنا حلال نہیں۔
|