|
التصنیف فی الحدیث
مفرداتِ باب
التصنیف: ....باب تفعیل سے مصدر، بمعنی لکھنا۔ ہفت اقسام سے صحیح ہے۔
یَجِدُ: ....واحد مذکر غائب فعل مضارع معروف وَجَد بروزن ضرب، بمعنی پانا۔ ہفت اقسام سے مثال واوی ہے۔
٭٭....٭٭
جو آدمی تصنیف فی الحدیث پر قدرت پاتا ہے اس پر اس میدان میں سرگرم عمل ہونا ضروری ہے تاکہ متفرق روایات کو جمع کر دے۔ دور کے علاقہ میں پائی جانے والی روایات کو قریب کر دے، مثکل کی وضاحت اور مجمل کی تفسیر کردے۔ اور اپنی تصنیف کردہ کتاب کو اپنے ہاتھ سے نکالے مگر اس کی تہذیب اور اس میں بار بار نظر کرنے کے بعد۔ نیز اس کی تالیف اس موضوع پر ہو جس کی عام ضرورت ہو اور جس کا فائدہ زیادہ ہے۔
انواع التصنیف
(تصنیف کی اقسام)
(۱) الجوامع:
ہر وہ کتاب جامع ہے جو عقائد، احکام، رقاق (دل کو نرم کرنے والی احادیث)، کھانے پینے کے آداب، سفر، قیام و قعود، تفسیر و سیر، تاریخ، فتن، مناقب اور مثالب (عیبوں) کی احادیث کو جمع کرنے والی ہے۔ جیسے امام بخاری کی ’’الجامع الصحیح‘‘ ہے۔
(۲) المسانید:
ہر وہ کتاب مسند ہے جس میں ہر صحابی کی الگ الگ روایات بغیر صحت حدیث اور تحسین
|