فکر و عقیدہ کی گمراہیاں اور صراط مستقیم کے تقاضے

بعض فقہاکا خیال ہے کہ مقبرے میں نماز پڑھنا صرف اس وجہ سے مکروہ ہے کہ وہاں نجاست کا قوی احتمال ہے۔ اس لیے کہ مُردوں کا گوشت پوست اور خون وغیرہ مٹی میں مل جاتا ہے، پھر وہ اس خیال کی بنا پر نئے اور پرانے مقبروں میں فرق کرتے ہوئے کہتے ہیں کہ نئے مقبرے میں نماز جائز ہے کیونکہ وہاں نجاست کا خطرہ نہیں اور پرانے میں نجاست کے خطرے کی وجہ سے نماز جائز نہیں۔ اسی طرح قبر کی مٹی کے درمیان کسی رکاوٹ کے حائل ہونے اور نہ ہونے میں بھی فرق کرتے ہیں کہ اگر نمازی اور مٹی کے درمیان رکاوٹ ہو تو نماز جائز ہے ورنہ نہیں۔ بہرحال ان کے اس نظریے کی بنیاد یہ ہے کہ مٹی میں نجاست شامل ہوجاتی ہے اور اس نجاست کی وجہ سے نماز جائز نہیں ہے اگر اس نجاست سے بچا جاسکے تو نماز جائزہوجائے گی ورنہ نہیں۔ خواہ یہ قبرستان کا معاملہ ہو یا کسی اور جگہ کا۔

ان کا یہ نظریہ سراسر غلط اور بے بنیاد ہے کیونکہ شارع علیہ السلام نے اس ممانعت کی بنیاد وہ نہیں بیان کی جو انھوں نے سمجھ لی ہے، بلکہ رسول اللہ صلی اللہ علیہ وسلم نے تو صاف لفظوں میں بیان کردیا کہ یہود و نصا رٰی میں جب کوئی نیک آدمی مر جاتا تھا تو وہ اس کی قبر پر مسجد بنا لیتے تھے۔[1] اور فرمایا: ’’یہود ونصا رٰی پر اللہ کی لعنت، جنھوں نے اپنے انبیاء علیہم السلام کی قبروں کو مسجدیں بنا لیا۔‘‘[2] اور فرمایا: یا اللہ! میری قبر کو بت نہ بننے دینا، جس کی پوجا کی جائے۔ اللہ کا غصہ ان لوگوں پر بہت سخت ہوگیا جنھوں نے اپنے نبیوں کی قبروں کو مسجدیں بنا لیا۔‘‘[3] اور فرمایا: ’’تم