شرح تیسیر مصطلح الحدیث

بحث دوم خبر آحاد کا بیان

۱۔ خبر آحاد کی تعریف:

لغوی تعریف: … لفظ ’’آحاد‘‘ یہ ’’اَحَد‘‘ بمعنی واحد کی جمع ہے۔ چناں چہ ’’خبر واحد‘‘ لغت میں اس حدیث کو کہیں گے جس کو روایت کرنے والے افراد ایک ایک ہوں ۔

اصطلاحی تعریف: … اصطلاح میں ’’خبر واحد‘‘ اس حدیث کو کہتے ہیں جس میں ’’خبرِ متواتر‘‘ کی شروط نہ پائی جاتی ہوں ۔ [1]

۲۔ خبر واحد کا حکم:

خبر واحد کا حکم یہ ہے کہ ایسی حدیث ’’علمِ نظری‘‘ کا فائدہ دیتی ہے۔ یعنی خبر واحد سے وہ علم حاصل ہوتا ہے جو (اپنی افادیت میں ) نظر و استدلال پر موقوف ہوتا ہے۔[2]

خبر واحد کی الگ الگ اعتبار سے دو اقسام ہوتی ہیں ۔ ہم عنقریب ان دونوں قسموں کو فصل دوم میں ذکر کریں گے۔

فصل دومخبر آحاد کی تقسیمات

خبر واحد کی دو اقسام

اس میں دو مباحث ہیں :

(خبر واحد میں دو اقسام جاری ہوتی ہیں ، جنہیں ان دو مباحث میں بیان کیا جاتا ہے)

بحث اوّل: …خبر واحد کی عددِ طرق(یعنی نقل) کے اعتبار سے تقسیم۔

بحث دوم: …خبر واحد کی قوت و ضعف کے اعتبار سے تقسیم۔