اس چھوٹے سے واقعہ سے اندازہ لگایاجاسکتاہے کہ رسول اللہ صلی اللہ علیہ وسلم کے توحید کے تعلق سے کیاجذبات تھے اور کس طرح آپ صلی اللہ علیہ وسلم نے شرک کے راستے مسدود کرنے کی سعی فرمائی،یہ آپ صلی اللہ علیہ وسلم کی غیرتِ توحید کی زبردست دلیل ہے،یعنی ایسے الفاظ تک گوارا نہیں جن سے افضل الخلق محمدرسول اللہ صلی اللہ علیہ وسلم کی منزلت کی ،اللہ تعالیٰ کی منزلت سے مشابہت یامماثلت کا شائبہ تک ہو اگرچہ وہ شائبہ کتنا ہی بعید کیوں نہ ہو۔ (۲) اسی سے ملتاجلتا دوسرا مشہد جومسنداحمداور الادب المفرد للامام البخاری وغیرہ میں مذکور ہے،ایک شخص رسول اللہ صلی اللہ علیہ وسلم کی خدمت اقدس میں حاضر ہوا اور کسی مناسبت سے یوں کہہ دیا:(ماشاء اللہ وشئت)یعنی:جواللہ چاہے اور آپ چاہیں۔گویا اس شخص نے اللہ تعالیٰ اور آپ صلی اللہ علیہ وسلم کی چاہت میں حرفِ(و)کے ساتھ فرق کیا،آپ صلی اللہ علیہ وسلم کی غیرتِ توحید آپ صلی اللہ علیہ وسلم کو خاموش نہ رکھ سکی،فوراًفرمایا:(أجعلتنی للہ ندا؟قل ماشاء اللہ وحدہ.) یعنی: کیاتم نے مجھے اللہ تعالیٰ کا مثل بنادیا؟یہ کہو:جوصرف اللہ اکیلاچاہے۔[1] آپ صلی اللہ علیہ وسلم نے واضح فرمادیا کہ چاہت ومشیئت صرف اللہ رب العزت کیلئے ہے، تاکہ تمام سننے والے یہ بات سمجھ لیں کہ مشیئت میں اللہ تعالیٰ کا کوئی شریک نہیں،حتی کہ الفاظ کی حد تک بھی نہیں۔ (۳) اسی سے ملتاجلتا ایک اورقصہ ملاحظہ ہو،جو مسنداحمد اور جامع ترمذی وغیرہ میں بسندِصحیح مروی ہے،رسول اللہ صلی اللہ علیہ وسلم نے فتحِ مکہ کے بعد صحابہ کرام کے ساتھ بلادِہوازن کا قصد فرمایا،صحابہ کرام دورانِ سفر ایک درخت کے پاس سے گذرے،جس پر مشرکین اس |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |