اُمت ِدعوت سے مراد آپ صلی اللہ علیہ وسلم کی پوری اُمت ہے جو آپ صلی اللہ علیہ وسلم کی دعوت کی مخاطب ہے، اللہ تعالیٰ کے فرمان: [قُلْ يٰٓاَيُّھَا النَّاسُ اِنِّىْ رَسُوْلُ اللہِ اِلَيْكُمْ جَمِيْعَۨا ][1] اور رسول اللہ صلی اللہ علیہ وسلم کی حدیث : ’’کان النبی یبعث إلی قومہ خاصۃ وبعثت إلی الناس عامۃ‘‘ [2] سے یہی اُمتِ دعوت مراد ہے۔ اُمتِ اجابت سے مراد اُمت کے وہ لوگ ہیںجنہوں نے رسول اللہ صلی اللہ علیہ وسلم کی دعوت کوقبول کرلیا۔ اب اس دعوت کو قبول کرنے والے بہت سے لوگ صحیح منہج پر قائم نہ رہ سکےاور شرک، بدعت اور خرابیٔ منہج جیسے بہت سے فتنوں میں مبتلا ہوگئے۔تقلید کا جمود اس قدر سرایت کرگیا کہ قولِ امام کی خاطر ظاہرِ کتاب وسنت تک کو چھوڑ دیا، اپنی پوری زندگیاں اپنے امام ،اپنے مذہب اور اپنی جماعت کے دفاع وانتصار میں صرف کردیں۔جس کی اساس صرف تعصبِ مذہبی ہے،ورنہ جو شخصیت دفاع وانتصار کی مستحق ہے وہ صرف محمد رسول اللہ صلی اللہ علیہ وسلم ہیں،اور جو جماعت دفاع وانتصار کی مستحق ہے،وہ صرف صحابۂ کرام کی جماعت ہے؛کیونکہ اللہ تعالیٰ نے عصمت کے درجہ پر صرف اپنے پیغمبر صلی اللہ علیہ وسلم کو فائز فرمایا ہے۔ اجتماعِ صحابہ معصوم ہے نہ کہ کوئی اور امتی! رسول اللہ صلی اللہ علیہ وسلم نے صرف اجتماعِ صحابہ کو معصوم قرار دیا ہے، آپ صلی اللہ علیہ وسلم کا فرمان ہے: |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |