Maktaba Wahhabi

151 - 366
دوسری حدیث عن أم المؤمنین عائشۃ رضی اللہ تعالیٰ عنھا قالت : قال رسول اللہ صلی اللہ علیہ وسلم : ’’من أحدث فی أمرناھذا مالیس منہ فھو رد‘‘ وفی روایۃ مسلم : ’’من عمل عملا لیس علیہ أمرنا فھو رد ‘‘.[1] ام المومنین عائشہ صدیقہ رضی اللہ عنہا سے مروی ہے : فرماتی ہیں : رسول اللہ صلی اللہ علیہ وسلم نے فرمایا: ’’ جس شخص نے ہمارے دین میں کوئی نئی چیز نکالی جو دین میں نہ ہو تو وہ مردود ہے ‘‘۔ اسے بخاری و مسلم نے روایت کیا ہے جبکہ صحیح مسلم کی ایک حدیث میں یہ الفاظ بھی مروی ہے : جس شخص نے کوئی ایسا عمل کیا جس پر ہمارا امر نہ ہو تو وہ مردود ہے : حدیث کاماحصل! سامعین کرام ! یہ حدیث بھی دین اسلام کا ایک اصلِ عظیم ہے ۔ بیان کردہ حدیث (الاعمال بالنیات ) اعمال کی باطنی میزان ہے جبکہ یہ حدیث اعمال کی ظاہری میزان ہے ۔ جس طرح ہر وہ عمل جو اللہ رب العزت کی رضا جوئی و اخلاص نیت سے خالی ہو باطل و مردود ہوتاہے، اسی طرح اگر وہ رسول اللہ صلی اللہ علیہ وسلم کے امر اورسنت کی موافقت و مطابقت سے خالی ہو تو باطل و مردود قرار پائے گا ۔ رسول اللہ صلی اللہ علیہ وسلم اپنے ہر خطبہ میں ان مبارک الفاظ کا اعادہ فرمایا کرتے تھے :
Flag Counter