عن عبدﷲ بن عمر رضی ﷲ عنھما أن رسول ﷲ صلی اللہ علیہ وسلم قال: (إن الذین یصنعون ھذہ الصور یعذبون یوم القیامۃ یقال لھم أحیوا ماخلقتم)[1] یعنی:عبد اللہ بن عمر رضی اللہ عنہما سے مروی ہے،بیشک رسول اللہ صلی اللہ علیہ وسلم نے فرمایا: بیشک جو لوگ تصویریں بناتے ہیں،انہیں قیامت کے دن عذاب دیاجائیگا،ان سے کہاجائیگا جو تصویریں تم نے خلق کی تھیں ذرا انہیں زندہ توکرو۔(وہ زندہ نہیں کرپائیں گے لہذا ان کا عذاب مستمر رہے گا۔(والعیاذ باللہ) خالق ہونے کامعنی واضح ہوکہ اللہ تعالیٰ کے خالق ہونے کا معنی یہ ہے کہ وہ چیزوںکو عدم سے وجود میں لاتاہے یایہ بھی کہ وہ کسی مادہ کے بغیر اشیاء کو خلق کرنے پر قادر ہے،اور یہ صلاحیت اس پوری کائنات میں کسی دوسرے کو حاصل نہیں ہے ،لہذا اللہ تعالیٰ کے علاوہ دوسرا کوئی خالق نہیں ہوسکتا ،اسی معنی میں اس کی صفت (الباری) بھی ہے،[ہُوَاللہُ الْخَالِقُ الْبَارِئُ …الآیۃ] [2] اس صفت کااطلاق بھی غیر اللہ کیلئے جائز نہیں ہے۔ توحید ربوبیت نکتۂ دوم کی وضاحت توحیدربوبیت پر ایمان لانے کیلئے دوسرا اہم نکتہ یہ ہے کہ اللہ تعالیٰ ہی ہر شیٔ کا مالک ہے،اس کے علاوہ دوسرا کوئی مالک نہیں ہوسکتا،گویا یہ پوری کائنات جس طرح اللہ تعالیٰ کی مخلوق ہے اسی طرح اس کی مملوک بھی ہے،فرمان ہے:[فَتَعٰلَى اللہُ الْمَلِكُ الْحَقُّ۰ۚ ] [3] |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |