سب نے اپنی قوم سے برملاکہہ دیا کہ ہم تم سے اور جن جن کی تم اللہ تعالیٰ کے سوا عبادت کرتے ہوان سب سے بالکل بیزار ہیں۔ہم تمہارے منکر ہیں جب تک تم اللہ کی وحدانیت پر ایمان نہ لاؤہم میں تم میں ہمیشہ کیلئے بغض وعداوت ظاہر ہوگئی ہے۔‘‘ اہل بدعت سے اختلاط کا ایک نقصان یہ بھی ہے کہ یہ اختلاط ان کے تکثیرِ سواد یعنی ان کی جماعت کی تعداد میں اضافے کا سبب ہوگا،جسے اہلِ بدعت اپنی پارٹیوں کا اصل سرمایہ قرار دیتے ہیں۔یہ چیز چونکہ ان کی فرحت کا باعث ہے لہذا ناجائز ہے۔ان کے ایک ناجائز مقصد کے حصول کیلئے آپ کا استعمال ہونا،انتہائی خطرناک اقدام ہے اور دعوت کیلئے مضر ہے ۔ اہلِ بدعت سے اختلاط کا ایک نقصان یہ بھی ہے کہ ان کی بدعات وخرافات سے متأثر ہونے کا قوی خدشہ اور احتمال قائم رہتا ہے؛کیونکہ مبتدعین کی بدعت ایک فتنہ ہے اور فتنہ سے بچاؤایک شرعی مطلوب ہے۔انسان جوکہ انتہائی ضعیف واقع ہوا ہے، بہت جلد فتنوں کے جال میں پھنس سکتا ہے ،اسی لئے رسول اللہ صلی اللہ علیہ وسلم نے کثرتِ فتن کے دور کی عکاسی کرتے ہوئے فرمایا تھا: ’’یصبح الرجل فیھا مؤمنا ویمسی کافرا یبیع دینہ بعرض من الدنیا‘‘ [1] یعنیـ:’’فتنوں کے دور میں انسان صبح کو مؤمن اور شام کو کافر ہوگا اور دنیا کے گھٹیا سے مفادات کی خاطر اپنا دین بیچ دے گا‘‘ اسی حکمت کے پیشِ نظر رسول اللہ صلی اللہ علیہ وسلم نے جب سب سے بڑے فتنہ ،فتنۂ دجال کا |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |