فرمائے ۔ اللہ رب العزت ہمارے سینوں کو کتاب و سنت کی نور سے منور فرمادے ۔ اللہ تعالیٰ ہمیں اپنی پوری اصلاح کی ، تزکیہ اورتربیت کی توفیق عطافرمائے ۔ اللہ تعالیٰ ہمیں اس افتراق سے بچائے جو افتراق اس امت کیلئے موجب ہلاکت ہے ، اور اللہ کی ناراضگی کا باعث ہے ، اللہ تعالیٰ ہمیں جماعت واحد ہ بنادے ، وہ جماعت واحدہ جس کا تعلق کتاب اللہ اور سنت ِ رسول اللہ کے ساتھ ہو۔ ہماری بائیسویں سالانہ کانفرنس پوری آب و تاب کے ساتھ شروع ہوچکی ہے اہل توحید کا ایک جم غفیر سامنے ہے ، اس کانفرنس کے توسط سے اگر سامعین حضرات فرقہ بندی و تنظیم سازی کے مضرات و خطرات کو ، بخوبی سمجھ لیں ، تو اس کے انعقاد کی اور نوجوانوں کی شب روز کی محنت کی قیمت وصول ہوجائے گی ۔ جان لیجئے تنظیم سازی کا عمل غیر شرعی ہونے کے ساتھ ساتھ شرک کے دروازے کھولنے والاہے ۔ اسلامی متعقد کے خلاف ہے اللہ اور اس کے رسول صلی اللہ علیہ وسلم کی نافرمانی ہے ، امت مسلمہ کی کمزوری ، اور دشمنوں کی مضبوطی اور تقویت کا باعث ہے نیز یہ عمل اخلاص وللہیت کے منافی ہے کیونکہ اس کا مقصد و ہدف حب جاہ یاحب مال کے سواکچھ نہیں ، پھر شہرت کے حصول کے لئے ہر جائز و ناجائز ، ہتھکنڈے بروئے کار لائے جاتے ہیں ۔ اور تو اور بے دریغ جھوٹ تک بولاجاتا ہے بلکہ اسے حلال سمجھا جاتا ہے حالانکہ جھوٹ وہ عمل ہے جسے اللہ رب العزت نے موجب لعنت قرار دیا ہے اور رسول اللہ صلی اللہ علیہ وسلم کا فرمان کہ مومن جھوٹ نہیں بول سکتا ، یہ دعوت فکر دیتا ہے ، کہ جھوٹ بولنے والا اپنے ایمان پر نظر ثانی کرے ، رسول اللہ صلی اللہ علیہ وسلم کی ایک اور حدیث ہے : ’’ ایاکم والکذب فان الکذب یھدی الی الفجور وان الفجور یھدی الی النار |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |