رسول اللہ صلی اللہ علیہ وسلم کی ایک حدیث ایسے لوگوں پر منطبق ہورہی ہےآپ صلی اللہ علیہ وسلم نے فرمایا : ’’ماذئبان جائعان أرسلا فی غنم بأفسد لھا من حرص المرء والشرف لدینہ ‘‘[1] یعنی :دو بھوکے بھیڑیے اگر رات بھر کے لئے بکریوں کے ریوڑ میں چھوڑ دئیے جائیں وہ دونوں ملکر بکریوں کا اتنا نقصان نہیں کرینگے جتنا نقصان انسان کے دین کو دو چیزوں سے پہنچتا ہے ایک مال کی حرص اور دوسرا عہدہ و منصب کی حرص ۔ حقیقت یہ ہے کہ وہ لوگ جو کتاب و سنت کوتھامنے والے ہیں ان کا افتراق کی راہ پر آنا، تنظیمیں بنانا، کسی تنظیم میں شریک ہونا یہ خیر و برکت کا باعث نہیں ہے ، یہ بھی افتراق کا راستہ ہے اور بڑا نقصان دہ ہے ۔ دین اسلام میں جو جماعت حقہ ہے ان میں افتراق کا کوئی تصور نہیں وہ تو جماعت واحدہ ہے ۔ اب یہ افتراق کا سبب کیاہے ؟ عہدہ کی محبت یا مال کی محبت ، اگر اللہ کا خوف ہوگا تو تنظیمیں نہیں بن سکتیں افتراق نہیں ہوسکتا ، ہاں اگر مال کی محبت ہوگی یا عہدہ کی محبت ہوگی پھر جماعت بنے گی ، فرقہ بنے گا ، تنظیمیں بنیں گی ۔ بقول ابن تیمیہ رحمہ اللہ کہ یہ شیطانی عمل ہے ، وہ فرماتے ہیں کہ جب کوئی بندہ دین کا کام کرنا چاہتا ہے تو پہلے شیطان اسے اس کام سے روکتا ہے ، جب بندہ اپنے ارادے میں غالب آجائے کہ میں یہ کام کر کے رہونگا تو پھر شیطان ایک اوروار کرتا ہے کہ تم اکیلے کرو گے تو کام کم ہوگا ، تم کچھ لوگوں کو جمع کرو او رایک تنظیم بناؤ پھر کام کرو ، تو بندہ سوچتا ہے یہ بات تو ٹھیک ہے ، اب لوگ جمع ہوگئے ایک تنظیم بن گئی وہ اس کا امیر بن گیا یا کو ئی اور بن گیا ، شیطان کہتا ہے اب کام کرو ، اب یہ ٹھیک ہے ، |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |