[فَمَاذَا بَعْدَ الْحَقِّ اِلَّا الضَّلٰلُ۰ۚۖ ][1] یعنی جب حق متعین ہوجائے تو باقی جو کچھ ہے وہ گمراہی ہے چنانچہ کتاب و سنت کا حق ہونا متعین ہے ، اس لئے کتاب و سنت کے سوا جو کچھ ہے وہ گمراہی ہے ( یہ سب واضح مقدمات ہیں) امیر المؤمنین عمر بن خطاب رضی اللہ عنہ کا قول ہے : ’’ نحن قوم اعزنا اللہ بالاسلام فاذا طلبناہ فی غیرہ اذلنا اللہ ‘‘[2] یعنی [ہم وہ قوم ہیں کہ اللہ تعالیٰ نے ہماری عزت، دین اسلام میں رکھی ہے اگر ہم نے اپنی عزت، دین اسلام کے علاوہ کسی اور جگہ سے تلاش کرنے کی کوشش کی ( کہ فلاں ضابطہ، فلاں قانون ہمارے لئے عزت کا باعث ہوسکتا ہے ) تو اللہ تعالیٰ ہمیں ذلیل کردے گا] لہٰذا ایک مومن کی ذمہ داری یہ ہے کہ وہ ہر مسئلہ اور معاملہ میں دین اسلام کی طرف رجوع کرے ، کیونکہ یہ اللہ تعالیٰ کا پسندیدہ دین ہے اور ہماری عزت ورفعت کی اساس ہے۔ اللہ تعالیٰ نے مسلمانوں کا ساتھ دینے کا وعدہ کیا ہوا ہے اللہ تعالیٰ کا فرمان ہے : [وَلَا تَہِنُوْا وَلَا تَحْزَنُوْا وَاَنْتُمُ الْاَعْلَوْنَ اِنْ كُنْتُمْ مُّؤْمِنِيْنَ ][3] ترجمہ ( نہ تم سستی کرو اور نہ غمگین ہو ، تم ہی غالب رہوگے ، اگر تم ایماندار ہو ) اس معنی کی اور بھی بہت سی آیات ہیں ، جب اللہ تعالیٰ ہمارے ساتھ ہے تو پھر ہم کبھی ذلیل ، شکست خوردہ اور مغلوب و مقہور نہیں ہوسکتے ، اور اگر ہمیں شکست لاحق ہو یا ہم کبھی |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |