گھومنا پھرنا یہ سننے کی سنت کے خلاف ہے۔آپ صلی اللہ علیہ وسلم کے سامنے صحابہ کیسے بیٹھتے اور کس طرح سنتے اس سنت کو اپنائیں آخر یہ قرآن اورحدیث ہے، کیاکوئی ان کا بدل ہے اور بعض لوگ صرف لذت کے حصول کیلئے سنتے ہیں،ان کے کوئی پسندیدہ واعظ یا مقرر آئے تو بیٹھ جاتے ہیں اور اس سے پہلے یا اس کے بعد چاہے کتنا بڑامحدث گفتگو کررہاہو قرآن وحدیث کی بارش برسارہاہو انہیں کوئی پرواہ نہیں ہوتی ، یہ سب کتاب وسنت کے مقام کے ساتھ استہزاء ہے، جب آپ سننے کیلئے آتے ہیں تو سنیں اور سننے کے تعلق سے جو نبی صلی اللہ علیہ وسلم اورصحابہ کرام کا منہج ہے اس کو اپنائیں یہ گھومنا پھرنا، چہل پہل،یہ آنا جانا کتاب وسنت کے آداب کے خلاف ہے۔ میرے دوستو اوربھائیو! ہر چیز میں سنت کی اتباع کیجئے۔یہ بات بھی اکثر دیکھنے میں آتی ہے کہ تلاوت شروع کرادی جاتی ہےاوراس کے بعد منتظمین آپس میں گفتگو شروع کردیتے ہیں اور پروگرام کی ترتیب بنانے میں مصروف ہوجاتے ہیں گویاجو تلاوت ہورہی ہے اس کی کوئی اہمیت نہیں ،اس کے مقابلے میں ان کی آپس کی باتیں زیادہ اہم ہیں، حالانکہ قرآن پاک کو ذوق وشوق سے سننا بلکہ رقتِ قلبی اور خشوع وخضوع کے ساتھ سننا ایک امرِمطلوب ہے اور مومن کے ایمان کی علامت ہے۔ تلاوت کے دوران حاضرین بھی اکثر باتوں میں مصروف رہتے ہیں،ان کے نزدیک بھی تقاریر کی اہمیت ہے ،تلاوت قرآن کی نہیں،یہ سب قلتِ تربیت کے مظاہر ہیں،گویا ایک مقرر کی ذاتی گفتگو کی اہمیت ،کلام اللہ سے بڑھ کرہے۔فانا للہ وإنا الیہ راجعون. حالانکہ اللہ کے بندو قرآن کی تلاوت کو سننا تو سب سے اہم پروگرام ہے،ایک ایک حرف کو پڑھنے اور سننے پر ثواب کے وعدے ہیں،پھر قرآن پاک کے ساتھ حسن ادب کا |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |