[حق اللہ علی العباد ان یعبدوہ ولایشرکوا بہ شیئا][1] یعنی: اللہ تعالیٰ کابندوں پر حق یہ ہے کہ بندے اللہ تعالیٰ کی عبادت کریں اور اس کے ساتھ کسی کو شریک نہ کریں۔ اس آیت کریمہ اور حدیث مبارکہ سےمعلوم ہوا کہ عقیدہ توحید تب ہی مکمل ہوگا جب اللہ تعالیٰ کے معبود ہونے کا اثبات اور اقرار واعتراف ہو اور ساتھ ساتھ اللہ تعالیٰ کے سوا کسی کے معبود ہونے کی نفی اور انکارہو۔ اتباع کاتقاضہ بھی یہی ہے کہ محمدرسول اللہ صلی اللہ علیہ وسلم کی اتباع ہو اور عقیدہ ہوکہ پیروی کے لائق صرف وہ ہیں۔بالفاظ دیگر اللہ کے نبی صلی اللہ علیہ وسلم جو کچھ کرگئے یابتاگئے وہی دین ہے اور قابل اتباع ہے،اور اس کے علاوہ ہر راستہ باطل ہے، آپ صلی اللہ علیہ وسلم کی پیروی کے ساتھ ساتھ ہر دوسرے کی پیروی سے نہ صرف یہ کہ عملا احتزار ہو بلکہ اس کا انکارہو۔اللہ تعالیٰ نے اس نفی وانکار کو بہت سے مقام پر الگ الگ اور بعض جگہوں پر اکٹھا ذکر فرمایاہے۔ [وَاَنَّ ھٰذَا صِرَاطِيْ مُسْتَقِـيْمًا فَاتَّبِعُوْہُ۰ۚ وَلَا تَتَّبِعُوا السُّـبُلَ فَتَفَرَّقَ بِكُمْ عَنْ سَبِيْلِہٖ۰ۭ ][2] اوربے شک یہی میراراستہ بالکل سیدھاہے پس اس کی اتباع کرو اور اس راستے کے علاوہ بقیہ کسی راستے کی پیروی نہ کرو، ورنہ یہ راستے تمہیں سیدھے راستے سے بھٹکادیں گے۔ یہاں ’’اتبعوا‘‘ امر واثبات ہے اور ’’لاتتبعوا‘‘ نفی وانکار ہے۔ |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |