اس ظلم کی تاب نہ لاکر یاسر رضی اللہ عنہ شہید ہوگئے ان کی بیوی سمیہ رضی اللہ عنہا کی شرمگاہ میں نیزہ مارا گیا جس سے وہ شہید ہوگئیں یہ سب کچھ اللہ کی توحید کی خاطر تھا۔ اسی قسم کے مظالم خباب بن ارت رضی اللہ عنہ پر بھی ڈھائے گئے جنہیں انہوں نے محض اللہ کی توحید کی خاطر برداشت کیا۔ مصعب بن عمیر رضی اللہ عنہ کے اسلام قبول کرنے کی اطلاع جب ان کی والدہ کو ہوئی تو اس نے ان کا کھانا پینا سب بند کردیا زندگی کی مراعات اور سہولتیں چھین لیں ایک کو ٹھری میں بند کر دیا۔ نازو نعم میں پلے ہوئے مصعب کی جسم کی کھال کے چیتھڑے اُدھڑ گئے ۔ رسول اللہ صلی اللہ علیہ وسلم اور ان کے مٹھی بھر ساتھیوںکو تین سال تک شعب ابی طالب میں محصور ہونا پڑا۔ بردران اسلام ! یہی صورت حال اس حدیث میں مذکور ہے : ( بدأ الاسلام غریبا) کہ اسلام غربت و اجنبیت سے شروع ہو ا۔ ابتداء میں مسلمانوں کی تعداد کم تھی عمرو بن عبسہ رضی اللہ عنہ نے رسول اکرم صلی اللہ علیہ وسلم سے سوال کیا تھا :من اتبعک علی ھذا الامر؟اب تک کتنے لوگوں نے آپ کی اتباع قبول کی ؟ تو فرمایا : (عبد و حر) صرف دو لوگوں نے ایک غلام بلال حبشی اور دوسرے آزاد ابو بکر صدیق رضی اللہ عنہما ۔ یہ سب آغاز اسلام کی غربت و اجنبیت ہے لیکن یہ مٹھی بھر جماعت بلا خوف لومۃلائم اپنے عقیدہ اور منہج پر قائم رہی۔ طاغوتوں کی تکلیفیں اور ایذائیں ان کے پائے استقامت میں ذرہ برابر لغزش یا ارتعاش پیدا نہ کر سکیں نبی اکرم صلی اللہ علیہ وسلم کی محبت و اطاعت اور آپ کے ساتھ کامل وفاداری ان کا سرمایہ حیات اور حاصل زندگی تھادعوت کا سلسلہ جاری رہا جماعت آہستہ آہستہ بڑھتی گئی۔ لیکن مظالم کا میدان بھی گرم رہا۔ حتیٰ کہ وہ طبعی مرحلہ بھی آگیا جو عند الناس مطرود و مشرود لیکن عند اللہ عظیم المرتبت انسانوں کا مقدر ہوتا ہے یعنی وطن |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |