پروردگارکی عبودیت کے جملہ تقاضوں کو ہمیشہ پورا کرتے رہنے کیلئے مستعد رکھے۔ اللہ تعالیٰ نے اپنے بندوں کو مخاطب کرکے ایک انتہائی اہم خبردی، اور یہ خبر اللہ تعالیٰ کا بندوں پر احسانِ عظیم ہے،فرمایا:میں نےاپنی ذات پر ظلم کرنا حرام کرلیاہے۔حالانکہ وہ ظلم کرنے پر پوری طرح قادرہے؛کیونکہ وہ ہر چیز پر قادر ہے،اگر اللہ تعالیٰ ظلم کرنے پر قادر نہ ہوتا تو اپنی ذات سے ظلم کی نفی کسی مدح یا ثناء کا موجب نہ ہوتی۔ ہمارا یہ عقیدہ ہے کہ اللہ تعالیٰ کی ذات سے،قدرت کے باوجود،ظلم کا صدور ناممکن ومحال ہے،محال کیوں ہے؟اس لئے کہ اللہ تعالیٰ نے خود ظلم کی نفی فرمادی۔ ارشاد فرمایا:[وَلَا يَظْلِمُ رَبُّكَ اَحَدًا][1] ترجمہ:اور تیرا رب کسی پر ﻇظلم وستم نہ کرے گا ۔ نیزفرمایا:[وَمَآ اَنَا بِظَلَّامٍ لِّلْعَبِيْدِ][2] ترجمہ:اور نہ میں اپنے بندوں پر ذرا بھی ﻇظلم کرنے والاہوں ۔ نیزفرمایا:[اِنَّ اللہَ لَا يَظْلِمُ مِثْقَالَ ذَرَّۃٍ][3] ترجمہ:بے شک اللہ تعالیٰ ایک ذره برابر ظلم نہیں کرتا ۔ نیزفرمایا:[وَمَنْ يَّعْمَلْ مِنَ الصّٰلِحٰتِ وَہُوَمُؤْمِنٌ فَلَا يَخٰفُ ظُلْمًا وَّلَا ہَضْمًا][4] ترجمہ:اور جو نیک اعمال کرے اور ایمان والابھی ہو تو نہ اسے بے انصافی کا کھٹکا ہوگا نہ حق تلفی کا ۔ |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |