پس بلند ہے اللہ ،جو الملک (بادشاہ) ہے اور الحق(سچا)ہے۔ اللہ تعالیٰ کو ہر شیٔ کامالک ماننے کیلئے ضروری ہے کہ ہمیں تین چیزوں کی پورے یقین کے ساتھ معرفت ہو: جب وہ ہرچیز کا مالک ہے تو ضروری ہے کہ مالک ہونے کی جتنی بھی صفات ہیں ان سب پر ہمارا ایمان ہو،مثلاً:کمالِ قوت،کمالِ غلبہ،کمالِ قدرت،کمالِ علم، کمالِ احاطہ ،کمالِ حکمت، کمالِ مشیئت،کمالِ تصور،کمالِ رحمت ومحبت وغیرہ۔ اللہ تعالیٰ کے ہرچیز کے مالک ہونے پر ایمان لانے کا ضروری تقاضا یہ ہے کہ ہمارا یہ ایمان ہو کہ ہرشیٔ اللہ تعالیٰ کی مملوک ہے،ہرشیٔ اپنے تمام امور میں اسی کی طرف مضطر ومفتقر ہے اوریہ ایمان بھی ہو کہ کوئی شیٔ حتی کہ ایک ذرہ بھی اس کی ملکیت سے خارج نہیں ہے۔ [وَتَبٰرَكَ الَّذِيْ لَہٗ مُلْكُ السَّمٰوٰتِ وَالْاَرْضِ وَمَا بَيْنَہُمَا۰ۚ وَعِنْدَہٗ عِلْمُ السَّاعَۃِ۰ۚ وَاِلَيْہِ تُرْجَعُوْنَ][1] یعنی:اوروہ ذات بابرکت ہے جس کیلئے آسمانوں اورزمینوں اورجوان کے درمیان ہے کا مِلک ہے اور اسی کے پاس قیامت کاعلم ہے اور اسی کی طرف تم سب لوٹائے جاؤگے۔ جب اللہ تعالیٰ ہرشیٔ کامالک ہے اور ہرشیٔ اس کی مملوک ہے توپھر ضروری ہے کہ ہماراایمان ہوکہ ہرشیٔ کی تدبیر وتصرف بھی اللہ تعالیٰ کے ہاتھ میں ہے،چنانچہ کائنات کی ہرشیٔ پر اس کی مشیئت نافذ ہے اور ایک ذرہ کی حرکت بھی اس کے امرو تصرف سے باہر |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |