اجتماعی زندگی کا ایک اور فائدہ مساجد کی طرف نماز باجماعت اور جمعہ کی ادائیگی کیلئے جانا ہے، جس کے بہت سے ثمرات ہیں ،ایک ثمرہ یہ ہے کہ جماعت سے ادا کی گئی ایک نماز ستائیس گنابڑھ جاتی ہے ۔احادیث سے یہ بات بھی واضح ہوتی ہے کہ چالیس نمازیں متواتر باجماعت اداکرنے والا نفاق کی تہمت سے بری ہوجاتاہے ،جبکہ مسلسل تین جمعے چھوڑنے والے شخص پر نفاق کی مہر ثبت کردی جاتی ہے۔ ہم نے یہ دیکھا ہے کہ جولوگ جماعتی زندگی سے کٹ کر انفرادی منہج کو اپنالیتے ہیں وہ مساجد سے بھی دورہوجاتے ہیں اور نتیجۃً ان تمام فوائد وثمرات سے محروم ہوجاتے ہیں ۔ ایک بیمار بھائی کی بیمار پرسی بھی اجتماعی زندگی کا رنگ ہے ،حدیث میں آتا ہے کہ بیمارپرسی کیلئے جانے والادرحقیقت جنت کے باغیچوں میں چل رہا ہوتا ہے،فرشتے اس کے قدم گنتے ہیں اورہرقدم پر دعائیں دیتے ہیں ۔ کسی بھائی کے فوت ہونے پر اس کے جنازے میں شرکت کا اجر ایک قیراط ہے ،جبکہ تدفین میں شریک ہونے پر دوسراقیراط حاصل ہوجاتا ہے اور رسول اللہ صلی اللہ علیہ وسلم کے فرمان کے مطابق سب سے چھوٹا قیراط اُحد پہاڑ کے برابر ہوتا ہے ،اس فضیلت کا حصول بھی اجتماعی زندگی کا رہینِ منت ہے۔ذلک فضل ﷲ یوتیہ من یشاء ۔ انہی فضائل وثمرات ونتائج کے پیشِ نظر رسول اللہ صلی اللہ علیہ وسلم کے فرمان: ’’یدﷲ علی الجماعۃ ‘‘ [1] ’’ اللہ کا ہاتھ جماعت پر ہے‘‘کی حقیقت مزید آشکارا ہوتی ہے،جماعت پر اللہ تعالیٰ کا |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |