|
حضرت ابو الدرداء کے متعلق مروی ہے کہ جب وہ رسول اللہ صلی اللہ علیہ وسلم کی کوئی حدیث بیان کرتے تو کہتے ’’أو نحوه أو شبهه‘‘ [1] علامہ خطیب بغدادی رحمہ اللہ نے حضرت ابو الدرداء رضی اللہ عنہ کے یہ الفاظ نقل کئے ہیں: ’’اللّٰهم إلا هكذا فكشكله‘‘ [2] ابو ادریس الخولانی رحمہ اللہ بیان کرتے ہیں:
’’رأيت أبا الدرداء إذا فرغ من الحديث عن رسول اللّٰه صلي اللّٰه عليه وسلم قال هذا أو نحوه أو شكله‘‘ [3]
یعنی ’’میں نے ابو الدرداء کو دیکھا ہے کہ جب نبی صلی اللہ علیہ وسلم کی حدیث بیان کر کے فارغ ہوتے تو کہتے: ’’قال هذا أو نحوه أو شكله‘‘
امام ابن ماجہ اور امام احمد وغیرہما نے حضرت انس بن مالک رحمہ اللہ کے متعلق روایت کی ہے کہ:
’’أنه كان إذا حدث عن رسول اللّٰه صلي اللّٰه عليه وسلم ففرغ قال أو كما قال رسول اللّٰه صلي اللّٰه عليه وسلم‘‘ [4]
’’جب وہ رسول اللہ صلی اللہ علیہ وسلم کی کوئی حدیث بیان کرتے اور اس سے فارغ ہوتے تو کہتے: ’’أو كما قال رسول اللّٰه صلي اللّٰه عليه وسلم‘‘
امام ابن ماجہ، امام احمد اور امام حاکم وغیرہم نے حضرت ابن مسعود رضی اللہ عنہ کے متعلق روایت کی ہے کہ ایک دن آں رضی اللہ عنہ نے فرمایا:
’’قال رسول اللّٰه صلي اللّٰه عليه وسلم فاغرورقت عيناه و انتفخت أوداجه ثم قال أو مثله أو نحوه أو شبيه به‘‘ [5]
امام دارمی رحمہ اللہ نے اپنی سنن کے باب ’’من هاب الفتيا مخافة السقط‘‘ میں اس بارے میں اور بہت سے آثار روایت کئے ہیں۔ [6]
آں رحمہ اللہ کے علاوہ امام ابن ماجہ رحمہ اللہ نے اپنی ’’سنن‘‘[7]میں، خطیب بغدادی رحمہ اللہ نے ’’الجامع‘‘[8]میں
|