|
مغیرہ بن مقسم رحمہ اللہ، ابراہیم النخعی (م 95ھ) سے روایت کرتے ہیں کہ انہوں نے فرمایا: ’’إن ھذہ الأحادیث دین فانظروا عمن تأخذون دینکم‘‘ [1]
مالک رحمہ اللہ، زید بن اسلم سے روایت کرتے ہیں کہ فرمایا: ’’إن ھذا العلم دین فانظروا عمن تأخذون دینکم‘‘ [2]
حضرت عاصم رحمہ اللہ، امام ابن سیرین رحمہ اللہ سے روایت کرتے ہیں کہ فرمایا:
’’کان فی الزمن الأول لا یسألون عن الإسناد فلما وقعت الفتنۃ سألوا عن الإسناد لکی یأخذوا حدیث أھل السنۃ و یدعوا حدیث أھل البدعۃ‘‘ [3]
یعنی ’’پہلے زمانوں میں محدثین اسناد کے بارے میں نہیں پوچھتے تھے لیکن جب فتنہ (شہادت عثمان رضی اللہ عنہ) واقع ہوا تو اسناد کے بارے میں دریافت کیا جانے لگا تاکہ اہل سنت کی حدیث کو لے لیں اور اہل بدعت کی حدیثوں کو چھوڑیں‘‘۔
امام مسلم رحمہ اللہ اور امام ابن ابی حاتم رحمہ اللہ کی روایت میں امام ابن سیرین رحمہ اللہ سے منقول ہے کہ فرمایا:
’’لم یکونوا یسألون عن الإسناد فلما وقعت الفتنۃ قالوا: سموا لنا رجالکم فینظر إلی أھل السنۃ فیؤخذ حدیثھم و ینظر إلی أھل البدع فلا یؤخذ حدیثھم‘‘ [4]
امام مسلم، خطیب بغدادی، رامہر مزی اور ابن عبدالبر وغیرہم نے امام ابن سیرین سے یہ الفاظ بھی نقل کئے ہیں:
’’إن ھذا العلم دین فانظروا عمن تأخذون دینکم‘‘ [5]
حماد بن زید رحمہ اللہ بیان کرتے ہیں کہ: ’’ہم امام انس بن سیرین رحمہ اللہ کے پاس ان کی بیماری کی حالت میں گئے تو آپ نے فرمایا:
’’اتقوا اللہ یا معشر الشباب وانظروا عمن تأخذون ھذہ الأحادیث فإنھا من دینکم‘‘ [6]
|