| [ ۸ ] ذکر رضی اللّٰه وغضبہ وسخطہ وکرا ھیتہ فی ا لقرآن الکریم وأ نہ متصف بذ لک اللہ تعالیٰ کی رضا،غضب ،ناراضگی اور ناپسندیدگی کا قرآنِ حکیم کی روشنی میں بیان۔اللہ تعالیٰ ان تمام صفات کے ساتھ متصف ہے وقولہ:{ رَضِیَ اللّٰه عَنْہُمْ وَرَضُواعَنْہُ } (المائدۃ: ۱۱۹) وقولہ: {وَمَنْ یَّقْتُلْ مُؤْمِنًا مُتَعَمِّدًا فَجَزَاؤُہٗ جَھَنَّمُ خَالِدًا فِیْھَا وَغَضِبَ اللّٰه عَلَیْہِ وَلَعَنَہٗ }(ا لنسا ء: ۹۳) وقولہ:{ ذٰ لِکَ بِأَنَّھُمُ اتَّبِعُوْا مَاأَسْخَطَ اللّٰه وَکَرِھُوارِضْوَانَہٗ } ( محمد:۲۸) وقولہ: { فَلَمَّا آسَفُوْنَا انْتَقَمْنَا مِنْھُمْ } (الزخرف:۵۵) وقولہ: {وَلٰکِنْ کَرِہَ اللّٰه انْبِعَاثَھُمْ فَثَبَّطَھُمْ } (التوبۃ: ۴۶) وقولہ:{ کُبَرَ مَقْتًا عِنْدَاللّٰه اَنْ تَقُوْلُوْامِالَا تَفْعَلُوْنَ } (ا لصف: ۳) ان آیات کی تشریح { رَضِیَ اللّٰه عَنْہُمْ وَرَضُواعَنْہُ } (المائدۃ: ۱۱۹) ترجمہ:’’ اللہ ان سے راضی اور یہ اللہ سے راضی‘‘ … شر ح … یعنی اخلاص کے ساتھ انہوں نے جو نیکی کے کام کیئے ہیں اس پر اللہ ان سے راضی ہوگیاہے، اور اللہ نے ان کی نیکیوںکے عوض انہیں بطور بدلے کے جونعمتیں عطافرمائی ہیں ان کے ملنے پر وہ بھی اللہ سے راضی ہوگئے ہیں۔ رضائے الٰہی اللہ تعالیٰ کی نعمتوں میں سے سب سے ارفع واعلیٰ نعمت ہے ۔ |
| Book Name | عقیدہ فرقہ ناجیہ |
| Writer | فضیلۃ الشیخ الدکتور صالح بن فوزان بن عبداللہ الفوزان |
| Publisher | مکتبہ عبداللہ بن سلام لترجمۃ کتب الاسلام |
| Publish Year | |
| Translator | علامہ عبداللہ ناصر رحمانی |
| Volume | |
| Number of Pages | 352 |
| Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |