| موقف اھل السنۃ من ھذہ الأحادیث التی فیھا إثبات الصفات الربانیۃ احادیثِ صفات کے متعلق اہل السنۃ کا موقف الی أمثال ھذہ الأحادیث التی یخبر فیھا رسول اللّٰه صلی اللّٰه علیہ وسلم عن ربہ بمایخبر بہ۔ فإن الفرقۃ الناجیۃ أھل ا لسنۃ والجماعۃ یؤمنون بذلک کما یؤمنون بماأخبر اللّٰه بہ فی کتابہ من غیر تحریف ولاتعطیل ۔ومن غیر تکییف ولاتمثیل۔ ترجمہ: اس قسم کی دیگر بہت سے احادیث ہیں جن میں رسول اللہ صلی اللہ علیہ وسلم نے اپنے پروردگار کی صفات بیان فرمائی ہیں۔ فرقہ ناجیۃ ،اہل السنۃ والجماعۃ ان تمام صفات پر ایمان لاتے ہیں جس طرح کہ ان صفات جن کی خبر خود اللہ تعالیٰ نے اپنی کتاب میں دی ہے پر ایمان لاتے ہیں بغیر تحریف اور تعطیل کے اور بغیر تکییف اور تمثیل کے۔ …شرح… مندرجہ بالا عبارت میں احادیث ِصفات کے متعلق اہل السنۃ والجماعۃ کا موقف بیان کیاگیا ہے کہ اہل السنۃ کا احادیث ِصفات کے متعلق وہی موقف ہے جو آیات ِصفات کے متعلق ان کاموقف ہے، اور وہ موقف یہ ہے کہ ان صفات پر ایمان لایاجا ئے اور ان کے حقیقی معنی پر دلالت کرنے کااعتقاد رکھا جائے ۔اہل السنۃنہ تو کسی باطل تاویل کا سہارا لیکر ان صفات کو ان معنیٔ ظاہر سے پھیرتے ہیں اور نہ ہی صفات کے مدلول کی نفی کرکے تعطیل کی روش اپناتے ہیں اور نہ ہی خالق کی ان صفات کی مخلوق کیساتھ تشبیہ کے قائل ہوئے ہیں،کیونکہ ’’لَیْسَ کَمِثْلِہٖ شَیْئٌ‘‘ ’’اللہ تعالیٰ کے مثل کوئی چیز نہیں ہے۔‘‘ |
| Book Name | عقیدہ فرقہ ناجیہ |
| Writer | فضیلۃ الشیخ الدکتور صالح بن فوزان بن عبداللہ الفوزان |
| Publisher | مکتبہ عبداللہ بن سلام لترجمۃ کتب الاسلام |
| Publish Year | |
| Translator | علامہ عبداللہ ناصر رحمانی |
| Volume | |
| Number of Pages | 352 |
| Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |