| قال المصنف : بسم اللّٰه الرحمن الرحیم بسم اللہ کی تشریح … شر ح … مصنف رحمہ اللہ نے اپنی کتاب کو بسم اللّٰه الرحمن الرحیم سے شروع فرمایا ہے ، اس سے قرآنِ حکیم کی اقتداء مقصود ہے ،کیونکہبسم اللّٰه الرحمن الرحیم ، سورئہ توبہ کے علاوہ ہر سورت کے شروع میں وارد ہوئی ہے ۔نیز اس سے نبی صلی اللہ علیہ وسلم کی اقتداء بھی مقصود ہے ،کیونکہ نبی صلی اللہ علیہ وسلم اپنے خطوط ومکاتیب کی ابتداء بسم اللّٰه الرحمن الرحیم سے فرمایا کرتے تھے۔ ’’بسم اللّٰه ‘‘ کی باء استعانت کیلئے ہے ،جس کا معنی ہوگا : اللہ تعالیٰ کے نام کی مدد کے ساتھ آغاز کرتا ہو ۔ ’’الاسم‘‘ کا لغوی معنی ایک ایسا لفظ جو کسی مسمیٰ پر دلالت کرے ،اصطلاحی معنی یہ ہے کہ ایک ایسا لفظ جو خود اپنا معنی دے اور وہ کسی زمانے کے ساتھ ملا ہوا نہ ہو۔ ’’بسم اللّٰه ‘‘ میں جار مجرور ،فعلِ محذوف کے متعلق ہیں،بہتر ہے کہ وہ فعلِ محذوف اس کے بعد مقدر مانا جائے تاکہ حصرکا فائدہ دے ۔ ’’اللّٰه ‘‘ اس ذاتِ مقدسہ کا علَم ہے جس کا معنی ہے : اپنی تمام مخلوق پر الوہیت وعبودیت والا ’’اللّٰه ‘‘ ألہ یألہ ألوہۃ سے مشتق ہے ،جو عبد یعبد عبا د ۃ کے معنی میں ہے… تو اللہ تعالیٰ الٰہ ہے جو مألوہ یعنی معبود ہے۔ ’’ الرحمن الرحیم ‘‘ اللہ تعالیٰ کے اسماء حسنیٰ میں سے دو انتہائی مبارک ومعزز نام ہیں،جن کی دلالت یہ ہے کہ اللہ تعالیٰ صفتِ رحمت کیساتھ متصف ہے ،بالکل ویسے جیسے اس کی ذات اور جلال کے لائق ہے ۔ ’’الرحمٰن‘‘ سے مراد ایسی رحمت والا جو تمام مخلوقات کیلئے عام ہے ۔اور ’’الرحیم ‘‘ سے مراد ایسی رحمت والا جو مؤمنین کے ساتھ خاص ہے ۔ جیسا کہ اللہ تعالیٰ نے فرمایا: { وَکَانَ بِالْمُؤْمِنِیْنَ رَحِیْمًا } ترجمہ:’’ اور وہ مؤمنین پر رحم فرمانے والاہے ‘‘ |
| Book Name | عقیدہ فرقہ ناجیہ |
| Writer | فضیلۃ الشیخ الدکتور صالح بن فوزان بن عبداللہ الفوزان |
| Publisher | مکتبہ عبداللہ بن سلام لترجمۃ کتب الاسلام |
| Publish Year | |
| Translator | علامہ عبداللہ ناصر رحمانی |
| Volume | |
| Number of Pages | 352 |
| Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |