عقیدہ فرقہ ناجیہ

سے نیچے آئے اور جو کچھ چڑھ کر اس میں جائے ،اور جہاںکہیں تم ہووہ تمہارے ساتھ ہے اور جو تم کررہے ہواللہ دیکھ رہا ہے‘‘

… شر ح …

’’ھُوَالَّذِیْ خَلَقَ السَّمَوَاتِ ……وَمَایَعْرُجُ فِیْھَا ‘‘ اس عبارت کی تفسیر مسئلہ ’’استواء‘‘ اور’’ علو‘‘ میں گزر چکی ہے۔

’’ وَھُوَ مَعَکُمْ أَیْنَ مَاکُنْتُمْ ‘‘ یعنی اللہ تعالیٰ اپنے علم کے ساتھ تمہارے ساتھ ہے،اور تم جہاں کہیں بھی ہو خشکی یا تری میں ،رات یادن میں،گھر میں یاجنگلات میں ہرحال میں اللہ تمہارا نگراں ومحافظ ہے، تم جہاں اور جس حال میں بھی ہو اللہ تعالیٰ کا علم تمہارے بارے میں ایک جیسا ہے،تم اس کی سمع وبصر کے تحت ہو، وہ تمہاری باتوں کو سنتا ہے اور تمہارے ٹھکانوں کو جانتا ہے۔ آیت کا یہی مقام محلِ استدلال ہے کیونکہ اس سے اللہ تعالیٰ کی معیت عامہ کا اثبات ہورہا ہے۔ ’’وَاللّٰه بِمَاتَعْمَلُوْنَ بَصِیْرٌ ‘‘ یعنی تمہارے اعمال میں سے کوئی بھی چیز اس پر مخفی نہیں۔

{ مَا یَکُوْنُ مِنْ نَّجْوٰی ثَلا ثَۃٍ اِلاَّھُوَ رَابِعُھُمْ وَلَاخَمْسَۃٍ اِلاَّ ھُوَسَادِسُھُمْ وَلَا اَدْنٰی مِنْ ذٰلِکَ وَلَااَکْثَرَ اِلاَّھُوَ مَعَھُمْ اَیْنَ مَاکَانُوْا ثُمَّ یُنَبِّئُھُمْ بِمَاعَمِلُوْا یَوْمَ الْقِیَامَۃِ اِنَّ اللّٰه بِکُلِّ شَیٍْٔ عَلِیْمٍ } (المجادلۃ:۷)

ترجمہ:’’ تین آدمیوں کی سرگوشی نہیںہوتی مگر اللہ ان کا چوتھا ہوتا ہے اور نہ پانچ مگر ان کا چھٹا وہ ہوتا ہے اور نہ اس سے کم کا اور نہ زیادہ کا مگر وہ ساتھ ہی ہوتا ہے جہاں بھی وہ ہوں پھر قیامت کے دن انہیںان کے اعمال سے آگاہ کرے گا بے شک اللہ ہی ہر چیز کا علم رکھتا ہے‘‘