یہ تحریر جناب عامر عثمانی صاحب کی ہے جو نہایت متعصب حنفی ہیں لہٰذا ؎ مدعی لاکھ پہ بھاری ہے گواہی تیری کے مصداق اس تحریر سے درج ذیل امور کھل کر سامنے آگئے ہیں: (۱) اس مسئلہ کے اختلافی ہونے کا ٹھیک ٹھیک علم احناف کو بھی ہے اور ابتدا سے ہے اس کے باوجود مسلک کی حمایت کی خاطر اجماع کا ڈھونگ رچایا گیا ہے اور اس اجماع کو ثابت کرنے کے لیے ہر طرح کے حربے استعمال کئے گئے ہیں۔ (۲) ہمارے قاری صاحب نے بھی فرمایا تھا کہ یہ مسئلہ ضروریات شیعہ سے ہے۔ عامر صاحب نے یہ بھانڈا ہی پھوڑ دیا اور یوں وضاحت فرمائی کہ ’’ہم نے انہیں بتایا کہ یہ فتنے اور اختلاف کا بیج دراصل خوارج اور روافض کا بویا ہوا ہے‘‘ (۳) اس اقتباس میں عامر صاحب نے یہ اعتراف بھی فرما لیا کہ بعض صحابہ رضوان اللہ علیہم اجمین بھی اس فیصلہ سے اختلاف رکھتے تھے‘ لیکن ہماری پالیسی یہ رہی ہے کہ جہاں تک اس حقیقت پر مٹی ڈالی جا سکتی ہے، ڈالی جائے۔ (۴) قاری صاحب یہ بھی فرما رہے تھے کہ اہلحدیثوں نے یہ مسئلہ شیعہ حضرات سے لیا ہے۔ اب عامر صاحب فرماتے ہیں کہ یہ مسئلہ بعض صحابہ کرام رضوان اللہ علیہم اجمین بھی اختیار کیے ہوئے تھے۔ تو کیا ان صحابہ کرام رضوان اللہ علیہم اجمین نے بھی یہ مسئلہ شیعہ حضرات سے ہی لیا تھا، جواب اہل حدیثوں پر یہ الزام لگانا ضروری ہے؟ (۲) طلاقوں کے درمیان وقفہ: جناب محفوظ الرحمن صاحب قاسمی فاضل دیوبند، جناب عامر عثمانی مدیر ’’تجلی‘‘ دیو بند سے مخاطب ہیں: ’’یہی باتیں (یعنی متفرق طور پر طلاق دینا منشائے خداوندی و مقتضائے قرآن کریم ہے) سینکڑوں برس سے احناف کے چوٹی کے علماء لکھتے آرہے ہیں اور ان میں یہ بات مسلمہ تھی۔ کیونکہ مقصد امام شافعی رحمۃ اللہ علیہ کا رد تھا۔ اب جب کہ یہی استدلال ان لوگوں کے |
Book Name | تین طلاق اور ان کا شرعی حل |
Writer | مولانا عبد الرحمٰن کیلانی |
Publisher | مکتبۃ السلام، لاہور |
Publish Year | |
Translator | |
Volume | |
Number of Pages | 90 |
Introduction | یہ کتابچہ دراصل ماہنامہ محدث میں شائع ہونے والے مضامین کا مجموعہ ہے جس میں ادارہ منہاج سے وابسہ قاری عبدالحفیظ سے اعتراضات و شبہات کا جواب دیا گیا ہے۔ مصنف نے اس کتاب میں طلاق کے حوالے سے تمام مسائل کو بالدلائل واضح کر دیا ہے جس پر کوئی عالم بھی قدغن نہیں لگا سکتا-جس میں رسول اللہﷺکے دور میں طلاق کی صورت،مجلس واحد میںتین طلاقوں کا حکم، بعد میں صحابہ کرام کا عمل اور حضرت عمر کے بارے میں بیان کیے جانے والے مختلف واقعات کی اصلیت کی نشاندہی اور مجلس واحد کی تین طلاقوں کے موثر ہونے کے دلائل کی وضاحت کرتے ہوئے قرآن وسنت کی روشنی میں ان کا جواب تحریر کیا گیا ہے-تطلیق ثلاثہ کے بارے میں پائے جانے والے چار گروہوں کا تذکرہ،انکار اور تسلیم کرنے والے علماء کے دلائل کا تذکرہ،تطلیق ثلاثہ سے متعلق ایک سوال کی وضاحت،مسائل میں باہمی اختلاف کی شدت کی وجہ تقلید کو بھی بڑی وضاحت سے بیان کیا گیا ہے- |