اسود از توحید احمر مے شودتوحید ہی تمام انسانوں سے رنگ و نسل کے امتیازات ختم کر کے پوری نوع آدم کو ایک ہی نصب العین سے وابستہ کرتی ہے، اور ان میں ﴿اِنَّمَا الْمُؤْمِنُوْنَ اِخْوَۃٌ﴾ کی حیات افروز روح پیدا کرتی ہے، احمر اسود، عربی و عجمی کی صدا تو عقیدہ توحید کے پیدا کردہ ساز فکر میں سخت انتشار و مار تعاش پیدا کرتی ہے۔ نسلی برتری کی اٹھائی ہوئی دیواریں امت مسلمہ کے زوال و شکست میں خاطر خواہ اثر و دخل رکھتی ہیں ۔ علامہ اقبال نے پیام مشرق میں کیا خوب کہا ہے: تو اے کو دک منش خود را ادب کنمسلمان زادۂ ترک نسب کنبرنگ احمر و خون و رگ و پوستعرب ناز و اگر ترک عرب کننے افغانیم ونے ترک و تتاریمچمن زادیم و ازیک شاخساریمتمیز رنگ و بو برما حرام استکہ ما پروردۂ یک نو بہاریمفخر فی الانساب: ایک اور حدیث بھی قابل غور ہے، ابومالک اشعری رضی اللہ عنہ بیان کرتے ہیں کہ نبی صلی اللہ علیہ وسلم نے فرمایا:((اَرْبَعٌ فِیْ اُمَّتِیْ مِنْ اَمْرِ الْجَاہِلِیَّۃِ لَا یَتَّکُوْنَہُنَّ الْفَخْرَ فِی الْاِحْسَابِ وَ فِی الْاَنْسَابِ وَالْاِسْتِقَائِ بِالنُّجُوْمِ وَالنِّیَاحَۃِ۔ الخ)) ’’آپ نے فرمایا: میری امت میں چار جاہلیت کی باتیں ہیں جنہیں وہ نہیں چھوڑے ہوں گے، حسب و مال پر فخر، نسب میں طعن، ستاروں کے ذریعہ بارش مانگنا، اور مردوں پر نوحہ کرنا۔‘‘