| سیدھی نہ کرے‘‘۔ (سنن ابن ماجہ:۸۷۰، ابوداؤد:۸۵۵،ابن حبان:۵۰۱) جس شخص کو آپ صلی اللہ علیہ وسلم نے تین مرتبہ نماز لوٹانے کا حکم دیا وہ اپنی نماز میں رکوع سے سیدھا کھڑا نہیں ہوتا تھا اور ایک سجدہ کرنے کے بعد سیدھا بیٹھتا بھی نہیں تھا ۔ آپ صلی اللہ علیہ وسلم نے اسکو نماز کا طریقہ سکھلاتے ہوئے فرمایا : ’’پھر اطمینان سے رکوع کرو اور رکوع سے سر اٹھائو یہاں تک کہ تسلّی سے کھڑے ہو جائو پھر سجدہ کرو اور سجدے سے اٹھ کر اطمینان سے بیٹھ جائو پھر (دوسرا) سجدہ بھی اطمینان سے کرو‘‘(بخاری:۷۹۳، صحیح مسلم:۸۸۵/۳۹۷) حضرت ابو حمید ساعدی رضی اللہ عنہ طویل حدیث میں ہے : ’’ نبی اکرم صلی اللہ علیہ وسلم جب رکوع سے سر اٹھاتے تو(( سَمِعَ اللّٰہُ لِمَنْ حَمِدْہٗ ))کہتے ،پھر رفع الیدین کرتے اور سیدھے کھڑے ہو جاتے (قومہ میں)۔پھر سجدہ سے سر اٹھاتے اور اپنا بایاں پائوں موڑ کر بچھادیتے اور اس پر بیٹھ جاتے اور خوب سیدھے ہوجاتے یہاں تک کہ ہر ہڈی اپنی جگہ پر آ جاتی ، پھر دوسرا سجدہ کرتے ‘‘۔(ابوداؤد:۷۳۰، ۹۶۳، ترمذی:۳۰۴) حضرت انس رضی اللہ عنہ نے لوگوں سے کہا: ’’جیسے میں نے نبی اکرم صلی اللہ علیہ وسلم کو نماز پڑھتے ہوئے دیکھا ہے اسی طرح تمہیں نماز پڑھانے میں کوتاہی نہیں کروں گا‘‘۔حضرت انس رضی اللہ عنہ رکوع سے اٹھ کر اتنی دیر سیدھے کھڑے ہوتے کہ کہنے والا کہتا کہ وہ شایدسجدہ کرنا بھول گئے ہیں اور اسی طرح ایک سجدے سے اٹھ کر دوسرے سجدے کے درمیان اتنی دیر تک بیٹھتے کہ کہنے والا کہتا:شاید آپ دوسرا سجدہ کرنا بھول گئے ہیں ‘‘۔(بخاری:۸۲۱) ۳۸ ...... سجدہ میں ہاتھوں کی انگلیوں کا زیادہ کھول کر رکھنا: اکثر لوگ سجدہ میں اپنے ہاتھوں کی انگلیوں کو بہت کھلا ہوا رکھتے ہیں، یہ طریقہ |