Maktaba Wahhabi

20 - 52
نبی اکرم صلی اللہ علیہ وسلم وضو کرنے کے بعد کچھ دعائیں پڑھا کرتے تھے۔ اگر ان دعائوں کے معنی پر غور کیا جائے تو معلوم ہوتا ہے کہ وضو کرنے والا اللہ تعالیٰ سے دنیا و آخرت کی سعادتیں طلب کرتا ہے،ان اذکار کو چھوڑنا دنیا و آخرت میں یقینا بہت بڑا نقصان ہے، وہ دعائیں درج ذیل ہیں : 1۔نبی اکرم صلی اللہ علیہ وسلم نے فرمایا: ’’ جو شخص کامل وضو کرے پھر یہ کلمات پڑھے، اس کے لیئے جنت کے آٹھوں دروازے کھول دئیے جائیں گے کہ جس سے چاہے داخل ہو۔‘‘ (( اَشْھَدُ اَنْ لَّا ٓ اِلٰہ َ اِلَّا اللّٰہُ وَحْدَہ‘ لَا شَرِیْکَ لَہ‘ وَ اَشْھَدُ اَنَّ مُحَمَّدًا عَبْدُہ‘ وَ رَسُوْلُہ‘، اَللّٰھُمَّ اجْعَلْنِیْ مِنَ التَّوَّابِیْنَ وَاجْعَلْنِیْ مِنَ الْمُتَطَھِّرِیْن)) (ترمذی:۵۵) ’’میں گواہی دیتا ہوں کہ اللہ تعالیٰ کے سوا کوئی معبود نہیں، وہ اکیلا ہے، کوئی اس کا شریک نہیں اور میں گواہی دیتا ہوں کہ محمد صلی اللہ علیہ وسلم اسکے بندے اور اسکے رسول ہیں۔ اے اللہ ! مجھے بکثرت توبہ کرنیوالوں اور پاکیزگی اختیار کرنے والوں میں سے کر دے۔‘‘ 2 حضرت ابو موسیٰ اشعری ؓ بیان کرتے ہیں کہ میں نبی اکرم صلی اللہ علیہ وسلم کے پاس آیا، آپ صلی اللہ علیہ وسلم نے وضو کیا اورمیں نے آپ صلی اللہ علیہ وسلم کویہ دعا کرتے ہوئے سنا: (( اَللَّھُمَّ اغْفِرْلِیْ ذَنْبِیْ وَ وَسِّعْ لِیْ فِیْ دَارِیْ وَ بَارِکْ لِیْ فِیْ رِزْقِیْ)) ’’اے اللہ ! میرے گناہ معاف فرما دے ، میرے گھر میں وسعت فرما اور میرے رزق میں برکت عطا فرما ۔‘‘ حضرت ابو موسیٰ اشعری ص بیان کرتے ہیں کہ میں نے کہا: ’’ اے اللہ کے نبی صلی اللہ علیہ وسلم ! میں نے آپ کو یوں دعا ء کرتے ہوئے سنا ہے؟ ‘‘ آپ صلی اللہ علیہ وسلم نے فرمایا : ’’کیا کوئی چیز مانگنے والی رہ گئی ؟‘‘(عمل الیوم واللیلۃ نسائی:۸۰، ابن سنی:۲۸) ۱۲ ......بغیر سُترہ اور اوٹ کے نماز پڑھنا:
Flag Counter