|
ہمارے باپ دادا کرتے تھے جن کی پرستاری
اور اپنے صرف میں ہم چاہ سے لائیں نہ مالوں کو؟
ارے تم تو بڑے صابر، بڑے ہمدرد انساں ہو!
جب قوم نے شعیب علیہ السلام کی شبانہ روز دعوت کو ٹھکرایا اور انھیں دھمکیاں دینے لگے اور مذاق اڑانا شروع کر دیا اور کہا کہ جو عذاب لانا چاہتے ہو، لے آؤ تو شعیب علیہ السلام نے کہا:
بہت ہی جلد کھلنے والا ہے اب تم پہ یہ عقدہ
کہ رسواکن عذابِ کردگار اب کس پہ آئے گا
اور آ پہنچا ہمارا قہر جس دم چار جانب سے
بچایا خود شعیب اور ان تمام افراد کو ہم نے
کہ جو تصدیق کرنے والے تھے ان کی نبوت کی
نجات ان کی ہماری خاص رحمت کی بدولت تھی
|