Maktaba Wahhabi

109 - 213

محورِحیات: یہ پہلاپرچہ ،بتاؤاس میںکوئی چوتھا سوال ہے؟رسول اللہ صلی اللہ علیہ وسلم کے علاوہ کسی دوسری شخصیت کانام ہے؟نہیں،اس حدیث میںایسی باتوں کادرس دیاگیا ہے جو محورِ حیات ہیں،کہ جو اللہ کورب مان کربس کرجائے، اسلام کودین مان کربس کرجائے، اور محمد کو رسول مان کربس کرجائے، اس کوایمان بھی مل گیا اور ایمان کی حلاوت بھی مل گئی،اسی پر قائم رہو،یہ انتہائی اہم محورِحیات ہے،اور یہ پرچہ جوسامنے پیش ہوگیا،اس کی خوب تیاری کرو،تیاری شریعت نے ہمیں جوتعلیمات د ی ہیں، ان تعلیمات کی روشنی میں، اس پرچے کی تیاری روزانہ باربار کی جاتی ہے،دن میں پانچ دفعہ اذان ہوتی ہے ،اذان کے بعدکی دعا میں بھی اللہ کے پیغمبر سےیہ الفاظ پڑھناثابت ہے: ’’رضیت ب اللہ ربا وبالإسلام دینا وبمحمد رسولا‘‘ [1] یا اللہ !میں تجھے رب مان کر،اسلام کواپنا دین مان کر اورمحمد صلی اللہ علیہ وسلم کواپنا رسول مان کرراضی ہوں۔ دن میں پانچ بار یہ الفاظ دہرائے جاتے ہیں، یعنی اس پیپر کی تیاری باربار ہورہی ہے، پھرصبح وشام کے اذکار میں تین تین بار آپ یہ پڑھتے ہیں: ’’رضیت ب اللہ ربا وبالإسلام دینا وبمحمد رسولا‘‘[2]

Book Name	حدیث ہرقل
Writer	فضیلۃ الشیخ عبداللہ ناصر رحمانی
Publisher	مکتبہ عبداللہ بن سلام لترجمۃ کتب الاسلام
Publish Year
Translator
Volume
Number of Pages	213
Introduction	یہ کتاب دراصل حدیث ہرقل کی شرح وتوضیح اور اس کے متعلق اہم علمی نکات اور حاصل ہونے والے دروس ونصائح پر مشتمل ہے۔ صلحِ حدیبیہ کے بعد رسول اللہ صلی اللہ علیہ وسلم نے مختلف حکمرانوں کو دعوتِ اسلام پر مبنی خطوط لکھے تھے، ایک خط روم کے فرمانروا ہرقل کو بھی لکھا تھا، یہ ایک انتہائی جامع پرمغز اور دوٹوک خط تھا۔ ہرقل کیونکہ تورات وانجیل کی تعلیمات سے باخبر تھا اور تورات وانجیل میں پیغمبر آخرالزماں (محمد صلی اللہ علیہ وسلم ) کے متعلق پیشین گوئیوں سے بھی مطلع تھا،بلکہ دیگر علماءِ یہود ونصاریٰ کی طرح نبی آخر الزماں کی آمد کا منتظر تھا، اس لئے اس نےخط ملنے کے بعد (محمد صلی اللہ علیہ وسلم ) کے دعویٔ نبوت کی تصدیق کرنا چاہی،ہرقل ان دنوں شام میں تھا اور ابوسفیان (جوکہ اس وقت کافر تھا) بھی ایک تجارتی قافلے کے ساتھ شام میں آیا ہوا تھا، چنانچہ ہرقل نے اس قافلے کو اپنے دربار میں بلوایا اور ابوسفیان سے محمد صلی اللہ علیہ وسلم کی بابت نہایت اہم استفسارات کئے،جن کے ابو سفیان نے اپنے ساتھیوں کی موجودگی میں جوابات دیئے، اور آخر میں ہرقل نے ان جوابات پر انتہائی پرمغز اور بصیرت افروز تبصرہ کیا اور دل سے محمد صلی اللہ علیہ وسلم کی نبوت کا معترف ہوگیا لیکن شومیٔ قسمت کہ محض اقتدار کی خاطر مشرف بہ اسلام ہونے کی سعادت دارین سے محروم رہا۔ بہرحال اس حدیث کی شرح پر یہ کتاب مشتمل ہے اور اس شرح کاسب سے امتیازی پہلو یہ ہے کہ ایک طرف اگر حدیث ہرقل میں مذکور نبی صلی اللہ علیہ وسلم کی صفات اور تعلیمات پربھرپور روشنی ڈالی گئی ہے ،تودوسری طرف انہی صفات وتعلیمات کی روشنی میں عصر حاضر میں مسلمانوں کے اندر رائج فکری وعملی کج روی کو ہدفِ تنقید ٹھہرا کر اصلاح احوال کی دعوت دی گئی ہے۔جس میں پڑھنے والے کو اپنی کوتاہیوں کا احساس اور اصلاح کی دعوت نظر آتی ہے۔