فقہ السنہ

غلطیاں نکل جاتی ہیں ۔ اور جب وہ ہاتھ دھوتا ہے تو غلطیاں ا س کے ہاتھوں سے نکل جاتی ہیں حتی کہ اس کے ہاتھوں کے ناخنوں کے نیچے سے نکل جاتی ہیں ۔ تو جب وہ اپنے سر کا مسح کرتا ہے تو غلطیاں اس کے سر سے نکل جاتی ہیں حتی کہ اس کے کانوں سے بھی نکل جاتی ہیں ۔ تو جب وہ اپنے پاؤں دھوتا ہے غلطیاں اس کے پاؤں سے نکل جاتی ہیں حتی کہ اس کے پاؤں کے نیچے سے نکل بھی جاتی ہیں ۔ پھر اس کا مسجد کی طرف جانا اور اس کی نماز زائد ہوتی ہے۔‘‘ رواہ مالک والنسائی وابن ماجہ والحاکم۔

ب: انس رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا کہ ’’ کسی شخص میں ایک نیک عادت ہوتی ہے کہ جس سے اللہ تعالیٰ اس کے تمام اعمال درست کردیتا ہے۔ اور بندے نماز کے لیے پاکی حاصل کرتا ہے تو اللہ تعالیٰ اس کی اس پاکی کے بدلے اس کے تمام گناہ معاف کردیتا ہے اور اس کی نماز زائد ہوجاتی ہے۔‘‘ رواہ ابو یعلی والبزار والطبرانی فی الاوسط۔

ج: ابو ھریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا کہ ’’ کیا میں آپ کی ایسے کام کی طرف رہنمائی نہ کروں کہ جس سے اللہ تعالیٰ غلطیاں مٹا دیتا ہے، اور درجات کو بلند کردتیا ہے؟‘‘ صحابہ نے عرض کیا کیوں نہیں ، اے اللہ کے رسول! آپ صلی اللہ علیہ وسلم نے فرمایا کہ ’’ ناپسندیدہ اوقات میں وضو کرنا اور مسجد کی طرف زیادہ قدم اٹھانا اور ایک نماز کے بعد دوسری نماز کا انتظار کرنا۔ یہ رباط ہے، یہ رباط ہے، یہ رباط ہے ۔‘‘ رواہ مالک ومسلم والترمذی والنسائی۔

ج: ابو ھریرہ رضی اللہ عنہ سے مروی ہے کہ’’ رسول اللہ صلی اللہ علیہ وسلم نے قبرستان میں آئے اور فرمایا ’’مومنوں کے گھر والو! تم پر سلامتی ہو۔ بلا شبہ اگر اللہ تعالیٰ نے چاہا تو ہم جلد ہی تم سے ملنے والے ہیں ۔ میں چاہتا ہوں کہ کاش اپنے بھائیوں کو دیکھتا۔ ‘‘ صحابہ نے عرض کیا کہ اے اللہ کے رسول! کیا میں آپ کے بھائی نہیں ہیں ؟ آپ صلی اللہ علیہ وسلم نے فرمایا کہ ’’آپ لوگ میرے ساتھی ہیں اور ہمارے بھائی وہ ہیں جو ابھی تک نہیں آئے۔‘‘