تھیں۔ ان صحابہ رضی اللہ عنہم نے اس مہم کو سر کرنے کے لیے جو تدبیر بھی اختیار کی وہ ان کی اپنی اختراع تھی۔ پھر یہ بات بھی قابل غور ہے ان صحابہ نے اس مہم کو سرکرنے میں خداع فی الحرب سے کام ضرور لیا ہے۔ دغا سے کام نہیں لیا۔ خداع اور دغا کا فرق ہم جنگی نقشہ میں تبدیلی کے عنوان کے تحت واضح کرچکے ہیں۔ (۳) تیسرا اعتراض ‘عہد شکنی : یہ اعتراض براہ راست بانی اسلام پر نہیں البتہ خلفائے راشدین پر کیا جاتا ہے۔ اعتراض یہ ہے کہ حضور اکرم صلی اللہ علیہ وسلم نے خیبر کے یہود کو خیبر میں قیام پذیر رہنے کا معاہدہ کیا لیکن حضرت عمر رضی اللہ عنہ نے معاہدہ کی خلاف ورزی کرکے انہیں جلا وطن کردیا۔ اسی طرح رسول اللہ صلی اللہ علیہ وسلم نے نجران کے عیسائیوں سے معاہدہ کرکے انہیں وہیں رہنے کی اجازت دی مگر حضرت عمر رضی اللہ عنہ نے انہیں وہاں سے جلا وطن کردیا۔ جہاں تک تاریخی واقعات کا تعلق ہے یہ درست ہے۔ معترضین کی ہوشیاری کا کمال یہ ہے کہ وہ یہودیوں کے خیبر سے ‘ اور عیسائیوں کے نجران سے اخراج کا واقعہ بیان کرکے اسے عہد شکنی کی مثالوں کے طور پر تو پیش کردیتے ہیں۔ لیکن جن وجوہ کی بنا پر انہیں جلا وطن کیا گیا انہیں بیان نہیں کرتے۔ اس اعتراض کی اصل وجہ اس کے بغیر کچھ نہیں کہ معترضین بھی یہودی اور عیسائی اقوام ہیں۔ اور جن لوگوں کو جلا وطن کیا گیا وہ بھی یہودی اور عیسائی اقوام ہیں ۔ اور جن لوگوں کو جلا وطن کیا گیا وہ یہودی اور عیسائی تھے ورنہ ان کا جواب تاریخ میں آج بھی محفوظ ہے۔ خیبر کی فتح کے بعد یہود سے اس شرط پر صلح پر ہوئی تھی کہ وہ علاقہ چھوڑ کر چلے جائیں گے اور ان کی جان بخشی کردی جائے گی۔ معاہدہ طے پاجا نے کے بعد یہود نے آپ صلی اللہ علیہ وسلم سے درخواست کی کہ ’’آپ صلی اللہ علیہ وسلم ہم کو یہیں رہنے دیں اور ہم سے معاملہ کرلیں ۔ ہم زراعت اورنخلستان کے کام سے خوب واقف ہیں‘‘۔ چنانچہ آپ صلی اللہ علیہ وسلم نے ان کی یہ درخواست بھی قبول کرلی۔ اور نصف بٹائی پر اصل معاہدہ کے تحت یہ عارضی سمجھوتہ بھی طے پاگیا۔ جس میں واضح طور پر یہ الفاظ درج تھے۔: |
Book Name | نبی اکرم صلی اللہ علیہ وسلم بحیثیت سپہ سالار |
Writer | مولانا عبدالرحمٰن کیلانی رحمہ اللہ |
Publisher | مکتبہ السلام لاہور |
Publish Year | |
Translator | |
Volume | |
Number of Pages | 268 |
Introduction | جہاد ایک عظیم ترین عمل ہے جس کی عظمت کا اندازہ اس سے لگایا جاسکتا ہے کہ رسول اللہ صلی اللہ علیہ وسلم نے مدنی زندگی میں کم و بیش 27 غزوات کئے اور 50 سے زائد سریہبھیجے، ایک حدیث میں رسول اکرم صلی اللہ علیہ وسلم نے اسے افضل ترین عمل قرار دیا اور ایک حدیث میں فرمایا کہ جنت تلواروں کے سائے تلے ہے۔ اس کتاب میں مولانا عبدالرحمٰن کیلانی رحمہ اللہ نے جہاد کا صھیح مفہوم بیان کرتے ہوئے اس کی اقسام اور جہاد بالسیف کو بھی بیان کیا بلکہ جہاد پر کئے جانے والے اعتراضات و شبہات کو انتہائی مدلل انداز میں رفع کیا ، اس کے علاوہ دارلاسلام او ردار الحرب جیسی پچیدہ بحث کو خوش اسلوبی سے نکھارا گیا ہے ۔ کتاب کے آخر میں آپ صلی اللہ علیہ وسلم کی زندگی کے جہادی پہلو کو نشانہ مشق بنانے والوں کو شرعی اورمنطقی دلائل سے شافی جواب دیا گیا ہے ۔اس کے علاوہ آپ کی عظیم شخصیت پر غیر جانبدار مغربی مفکرین کے اقوال بھی پیش کیے گئے ہیں جو کہ جہاد اور پیغمبر جہاد کے انتہا پسند ناقدین کے منہ پر زور دار طمانچہ ہیں ۔ |