بغاوت کے علاوہ اور کئی طرح کے جرائم میں ملوث تھے۔ مسلمانوں کے دشمنوں کو برانگیختہ کرنا۔ مسلمانوں کی تضحیک اور تمسخر اُڑانا۔ بانی اسلام کو گالیاں دینا ان لوگوں کا شعار تھا۔ ان حرکات سے معاہدہ از خود ختم ہوجاتا ہے۔ دوسرے جرائم کے علاوہ اکیلا جرم بغاوت ہی ایسا ہے جسے کوئی حکومت معاف نہیں کرتی۔ (۲) آپ کے سب سے بڑے دشمن ابو جہل‘ ابو سفیان‘ امیہ بن خلف وغیرہ تھے۔ جنہوں نے مدینہ میں بھی پانچ سال تک یلغار کی اور آپ صلی اللہ علیہ وسلم کو چین نہ لینے دیا۔ لیکن انہیں آپ صلی اللہ علیہ وسلم نے خفیہ طریقہ سے ٹھکانے لگانے کے متعلق کبھی نہ سوچا۔ وجہ یہ تھی کہ یہ لوگ کھلے دشمن تھے۔ لیکن یہود کے مندرجہ بالا افراد زیر زمین سازشیں کرتے اور کھلے میدان میں آنے سے احتراز کرتے تھے۔ ایسے لوگوں کی شرارتوں سے نجات کا ذریعہ یہی ہوتا ہے۔ کہ انہیں جانباز فورس کے سپرد کردیا جائے۔ جو جس طرح بھی بن پڑے ان کو ٹھکانے لگادیں ۔ ہر حکومت کے لیے ایسی کاروائی ناگزیر ہوتی ہے۔ اور اس میں ہر طرح کے فکرو تدبر کو جائز سمجھا جاتا ہے۔ ایسے گوریلا سپاہیوں اوراسی طرح جاسوسوں کے لیے عام قانون یہ ہے کہ اگر وہ گرفتار ہوجائیں تو انہیں ’’اسیران جنگ‘‘ کی سی مراعات حاصل نہیں ہوتیں۔ اور اگر مارے جائیں تو متعلقہ حکومت اس کی باز پرس نہیں کرسکتی۔ (۳) یہ لوگ معاہد ضرور تھے ۔ مگر ان کے انفرادی جرائم کی سزا پوری قوم کو نہیں دی جاسکتی تھی۔ کہ ان سے کھلم کھلا اعلان جنگ کیا جاتا۔ جبکہ ان کی قوم انہیں ایسی حرکات سے منع کرنے سے قاصر ہو۔ لہٰذا اس انفرادی اقدام کے سوا کوئی چارہ کار نہ تھا۔ (۴) یہ الزام بھی سرا سر غلط ہے کہ آپ صلی اللہ علیہ وسلم نے خود سازشیں تیار کرکے جانبازوں کو مکروفریب سکھا کر انہیں اس مہم پر آمادہ کیا تھا ۔ کعب بن اشرف کے قتل کے لیے محمد بن مسلم نے خود اپنی خدمات پیش کیں اور کہا کہ’’ اجازت دیں جو چاہوں کہہ لوں ‘‘۔ تو آپ صلی اللہ علیہ وسلم نے اس کی اجازت دے دی۔ اس اجازت سے خفیہ سازشیں تیار کرنے یا مکروفریب کے سکھانے کا پہلو کیسے نکل سکتا ہے؟ اس طرح ابو رافع کو ٹھکانے لگانے کے لیے عبداللہ بن عتیق رضی اللہ عنہ نے خود اپنی خدمات پیش کی |
Book Name | نبی اکرم صلی اللہ علیہ وسلم بحیثیت سپہ سالار |
Writer | مولانا عبدالرحمٰن کیلانی رحمہ اللہ |
Publisher | مکتبہ السلام لاہور |
Publish Year | |
Translator | |
Volume | |
Number of Pages | 268 |
Introduction | جہاد ایک عظیم ترین عمل ہے جس کی عظمت کا اندازہ اس سے لگایا جاسکتا ہے کہ رسول اللہ صلی اللہ علیہ وسلم نے مدنی زندگی میں کم و بیش 27 غزوات کئے اور 50 سے زائد سریہبھیجے، ایک حدیث میں رسول اکرم صلی اللہ علیہ وسلم نے اسے افضل ترین عمل قرار دیا اور ایک حدیث میں فرمایا کہ جنت تلواروں کے سائے تلے ہے۔ اس کتاب میں مولانا عبدالرحمٰن کیلانی رحمہ اللہ نے جہاد کا صھیح مفہوم بیان کرتے ہوئے اس کی اقسام اور جہاد بالسیف کو بھی بیان کیا بلکہ جہاد پر کئے جانے والے اعتراضات و شبہات کو انتہائی مدلل انداز میں رفع کیا ، اس کے علاوہ دارلاسلام او ردار الحرب جیسی پچیدہ بحث کو خوش اسلوبی سے نکھارا گیا ہے ۔ کتاب کے آخر میں آپ صلی اللہ علیہ وسلم کی زندگی کے جہادی پہلو کو نشانہ مشق بنانے والوں کو شرعی اورمنطقی دلائل سے شافی جواب دیا گیا ہے ۔اس کے علاوہ آپ کی عظیم شخصیت پر غیر جانبدار مغربی مفکرین کے اقوال بھی پیش کیے گئے ہیں جو کہ جہاد اور پیغمبر جہاد کے انتہا پسند ناقدین کے منہ پر زور دار طمانچہ ہیں ۔ |