لوح محفوظ میں لکھدیا ہے،اللہ تعالیٰ جب بچے کا جسد پیدا فرماتاہے تو اس میں روح ڈالنے سے قبل فرشتہ بھیجتا ہے اور اس فرشتہ کو چار امور لکھنے کا حکم دیاجاتا ہے ،رزق،اجل(موت کا وقت) عمل، شقی (بدبخت)ہے یاسعید(نیک بخت)ہے۔ تقدیر کی اس قسم کا قدیم زمانہ میں غالی قدریہ نے انکار کیا ہے، البتہ آج کے دور میں اس کے منکر بہت قلیل ہیں۔ عبارت کی تشریح …شرح… بعض الفاظ کی توضیح وتشریح ’’ازل‘‘قدیم کو کہتے ہیں ،ایسا قدیم جس کی ابتداء نہ ہو۔اور ’’ابد‘‘کا معنی ہے: مستقبل میں ہمیشہ رہنا اس طرح کہ اس کی کوئی انتہا نہ ہو۔ ’’الطاعات‘‘ ’’طاعۃ‘‘کی جمع ہے جس کامعنی ہے حکم کی موافقت کرنا،جبکہ ’’المعاصی‘‘ ’’معصیۃ‘‘کی جمع ہے جس کا معنی حکم کی مخالفت کرنا، ’’الارزاق‘‘رزق کی جمع ہے ،رزق ،ہر نفع مند چیز کو کہتے ہیں ،الآجال ’’اجل ‘‘کی جمع ہے جس کا معنی کسی شیٔ کی مدت ہے،انسان کی اجل سے مراد ،موت کی صورت میں دنیا میں اس کے وقت کا ختم ہونا ہے۔ ’’اللوح المحفوظ‘‘ سے مراد ’’ام الکتاب‘‘ (اصل کتاب) ہے، اسے محفوظ اس لیئے کہا جاتا ہے کہ یہ ہر قسم کی کمی بیشی سے محفوظ ہے۔ شیخ رحمہ ا ﷲ ا پنے اس کلام میں،ایمان بالقدر کا درجہ اولیٰ جن چیزوں کو متضمن ہے،کا ذکر کررہے ہیں ،چنانچہ شیخ رحمہ اللہ نے ذکر فرمایا ہے کہ کہ در جہ اولیٰ دو مراتب کو متضمن ہے: مرتبۂ اولی :اللہ تعالیٰ کے علم پر ایمان لانا جو موجودات اور معلومات میں سے ہر چیزکو محیط ہے ۔ اللہ تعالیٰ کا یہ علم اس کی صفاتِ ذاتیہ میں سے ایک صفت ہے اور اللہ تعالیٰ ان صفات |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |