پہلا درجہ:اس بات پر ایما ن لاناکہ مخلوق نے جو عمل کرنے ہیں ،اللہ تعالیٰ ا پنے علمِ قدیم کے ساتھ اسے پہلے سے جانتا ہے ،کیونکہ اللہ تعالیٰ کا علم ازلی وابدی ہے۔ اللہ تعالیٰ مخلوق کے جمیع احوال ،طاعات، معاصی، اجل اور رزق وغیرہ سب کو پہلے سے جانتا ہے ، پھر اللہ تعالیٰ نے مخلوق کی تقدیریں لوح محفوظ میں لکھ دیں، چنانچہ اللہ تعالیٰ نے قلم پیدا کرکے اسے کہا :لکھو! قلم نے کہا: کیا لکھوں۔اللہ تعالیٰ نے فرمایا :قیامت کے دن تک جو کچھ ہونیوالا ہے وہ سب کچھ لکھ دو ،چنانچہ انسان کو جو کچھ پہنچنا تقدیر میں لکھا ہوا ہے وہ اس سے خطا ہوہی نہیںسکتا اور جس چیز کا خطا ہونا لکھا ہوا ہے وہ اسے حاصل ہوہی نہیں سکتی، قلمیں خشک ہوچکیں اور صحائف لپیٹے جاچکے۔ اللہ تعالیٰ کافرمان ہے: { أَلَمْ تَعْلَمْ أَنَّ اللّٰه یَعْلَمُ مَا فِی السَّمَا ئِ وَالْاَرْضِ إِنَّ ذٰلِکَ فِیْ کِتَا بٍ إِنَّ ذٰ ِلکَ علَیَ اللّٰه یَسِیْرٌ } ( الحج :۷۰) ترجمہ:’’کیا آپ نے نہیں جانا کہ آسما ن وزمین کی ہر چیز اللہ کے علم میں ہے ۔یہ سب لکھی ہوئی کتاب میں محفوظ ہے ۔اللہ تعالیٰ پر تو یہ امر بالکل آسان ہے ‘‘ نیز فرمایا: { مَاأَصَابَ مِنْ مُّصِیْبَۃٍ فِی الْاَرْضِ وَلَافِیْ أَنْفُسِکُمْ اِلاَّفِیْ کِتٰبٍ مِّنْ قَبْلِ أَنْ نَّبْرَأَھَا إِنَّ ذٰ ِلکَ علَیَ اللّٰه یَسِیْرٌ } (الحدید:۲۲) ترجمہ:’’ نہ کوئی مصیبت دنیا میں آتی ہے نہ (خاص)تمہاری جانوں میں،مگر اس سے پہلے کہ ہم اس کو پیدا کریں وہ ایک خاص کتاب میں لکھی ہوئی ہے اللہ تعالیٰ پر تو یہ امر بالکل آسان ہے ‘‘ اور یہ تقدیر جو کہ اللہ تعالیٰ کے علم کے تابع ہے، عموم اور تفصیل پر مشتمل ہے،(عموم سے مراد تمام مخلوقات کی تقدیر اور تفصیل سے مراد ایک شخص کی تفصیل تقدیر )اللہ تعالیٰ نے جو چاہا |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |