ان کے مقابلہ میں اعتدال پر قائم ہے ،اسی طرح اس امت کے تمام بدعتی فرقے جوکہ صراطِ مسقیم سے منحرف ہوچکے ہیں ان میں سے بعض تو غلو کاشکار ہوکراپنی الگ راہ اختیار کرچکے ہیں اور بعض تساہل اختیار کرکے راہِ حق سے انحراف کرچکے ہیں۔ اس اجمال کے بعد شیخ رحمہ اللہ تفصیل بیان کرنا چاہتے ہیں:چنانچہ فرماتے ہیں: ’’فھم وسط فی باب صفات اللّٰه سبحانہ وتعا لیٰ بین اھل التعطیل الجھمیۃ، واھل التمثیل المشبۃ‘‘ یعنی ’’اولاً اہل السنہ والجماعۃ اللہ تعالیٰ کی صفات کے باب میں اہل التعطیل جہمیۃ اور اہل التمثیل مشبہ کے مقابلہ میں اعتدال پر قائم ہیں‘‘ فرقۂ جہمیہ کی نسبت جہم بن صفوان الترمذی کی طرف ہے ،یہ لوگ باب تنزیہ (اللہ تعالیٰ کو عیوب ونقائص سے منزہ و مبرا قراردینا) میں غلو وافراط کا شکار ہوگئے ،یہاں تک کہ اپنے زعمِ باطل میں تشبیہ کے محذورسے بچنے ہوئے اللہ تعالیٰ کے اسماء وصفات کا ہی انکار کربیٹھے ،اسی لیئے انہیں معطلہ بھی کہا جاتا ہے ،کیونکہ انہوں نے اللہ تعالیٰ کی ذات کو اس کے اسماء وصفات سے معطل کردیا ہے۔ اور اہل التمثیل کو مشبہ اس لیئے کہاجاتا ہے کہ یہ لوگ اللہ تعالیٰ کی صفات کے اثبات میں غلو وافراط کا شکار ہوگئے ،یہاں تک اللہ تعالیٰ کو اس کی مخلوق کے مشابہ قرار دے ڈالااور اس کی صفات کو مخلوق کی صفات کے مثل قرار دے دیا۔(تعالی اللّٰه عما یقولون) جبکہ اہل السنۃ نے ان کے مقابلہ میں اعتدال کی راہ اختیار کی ،چنانچہ انہوں نے اللہ تعالیٰ کیلئے صفات بغیر تشبیہ وتمثیل کے جیسے اس کے شایانِ شان ہیں ،ثابت کیا،نہ تو تنزیہ میں اور نہ اثبات میں غلو کا شکار ہوئے،بلکہ اللہ تعالیٰ سے نقائص اور عیوب کی اس طرح نفی اور تنزیہ کی کہ اللہ تعالیٰ کی تعطیل (انکار) لازم نہ آئے اور اسماء وصفاتِ کمال کو اس طرح ثابت کیا کہ مخلوق سے |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |