تودونوں ہاتھ کھلے ہوئے ہیں ،جس طرح چاہتا ہے خرچ کرتا ہے۔‘‘ …شر ح … ’’الْیَھُوْدُ ‘‘یہودیوں کے قول ’’ ھُدْ نَااِلَیْکَ‘‘ سے ماخوذ ہے، یہ اسمِ مدح تھا، اُن کی شریعت کے منسوخ ہونے کے بعد یہ نام ان کیلئے مختص ہوگیا،اب اس نام میں کوئی مدح کا پہلو نہیں ہے ۔ ایک قول یہ بھی ہے کہ یہودا بن یعقوب کی طرف نسبت کی وجہ سے انہیں الیھود کہا جاتا ہے ۔ ’’ یَدُاللّٰه مَغْلُولَۃٌ ‘یہودیوں کے متعلق بتلایا جارہا ہے کہ انہوں نے اللہ تعالیٰ کو بخیل کہا، جس طرح انہوں نے اللہ تعالیٰ کو فقیر اور اپنے آپ کو غنی کہا ۔ ان کے ا س قول کا مطلب یہ نہیں کہ فی الواقع اللہ تعالیٰ کے ہاتھ بندھے ہوئے ہیں ۔’’غُلَّتْ أَیْدِیْھِمْ ‘‘ یہ اللہ تعالیٰ کی طرف سے یہودیوں کی اس بات کا رد ہے ، ان کے جھوٹ وافتراء کے بدلے میں انہیں یہ سزاملی ہے۔ آج فی الواقع صورتِ حال بھی یہی ہے ، سب سے زیادہ بخل وحسد یہودیوں میں ہی پایا جاتا ہے۔ آپ کسی بھی یہودی سے ملیں اسے سب سے بڑابخیل اور حاسد پائیں گے۔’’وَلُعِنُوابِمَا قَالُوا‘‘ اس کا عطف ماقبل پر ہے ،اور اس میں باء سببیہ ہے ۔ یعنی انہیں ان کی اس غلط بات کے سبب سے اللہ کی رحمت سے دور کردیا گیا ۔ پھر اللہ تعالیٰ نے ان کا مزید رد کرتے ہوئے کہا : ’’ بَلْ یَدَاہُ مَبْسُوطَتَانِ ‘‘ یعنی اللہ تعالیٰ تو انتہائی سخی ہے، اس کے دونوں ہاتھ انتہائی سخاوت کرنے کی وجہ سے کھلے ہوئے ہیں ۔ ’’یُنْفِقُ کَیْفَ یَشَائُ‘‘جملہ مستأنفہ ہے ،اس کی کمالِ سخاوت کی مزید تاکید کررہاہے ۔اللہ تعالیٰ کا انفاق اس کی مشیئت کے اقتضاء کے مطابق ہوتا ہے، اپنی مشیئت سے جس پر چاہتا ہے وسعت فرمادیتا ہے ، جس پر چاہتا ہے تنگی کردیتا ہے ،وہ اپنی حکمت کے اقتضاء کے مطابق ’’الباسط‘‘ بھی ہے اور ’’القابض‘‘ بھی ۔ ان آیات میں اللہ تعالیٰ کیلئے ’’یدان‘‘ (دوہاتھوں) کا اثبات ہے۔اور یہ دونوں ہاتھ حقیقی |
Book Name | عقیدہ فرقہ ناجیہ |
Writer | فضیلۃ الشیخ الدکتور صالح بن فوزان بن عبداللہ الفوزان |
Publisher | مکتبہ عبداللہ بن سلام لترجمۃ کتب الاسلام |
Publish Year | |
Translator | علامہ عبداللہ ناصر رحمانی |
Volume | |
Number of Pages | 352 |
Introduction | زیر نظر کتاب جس کے مصنف الدکتور صالح بن الفوزان رحمہ اللہ ہیں ، یہ کتاب دراصل شیخ السلام ابن تیمیہ رحمہ اللہ کی مشہور زمانہ کتاب العقیدۃ الواسطیۃ کی جامع ترین شرح ہے۔ اس کا اردو ترجمہ علامہ عبداللہ ناصر رحمانی صاحب حفظہ اللہ نے کیا ہے۔کتاب کا بنیادی موضوع اللہ تعالیٰ کے اسماء وصفات کا قرآن وحدیث کے ادلہ سے اثبات ہے، نیزیہ کہ اسماء وصفات پر منہج سلف صالحین صحابہ وتابعین کے مطابق بلاتکییف ،بلاتحریف، بلاتشبیہ اور بلاتأویل ایمان لانا ضروری ہے۔ ایمان باللہ جو ایمان کا رکنِ اول ہے کی اساس توحید ہے اور فہمِ توحید،اللہ تعالیٰ کے اسماء وصفات کے فہم پر موقوف ہے،لہذا اس علم پر بہت توجہ کی ضرورت ہے ، زیر نظر کتاب اس باب میں انتہائی نافع کتاب ہے۔ |