احکام و مسائل جلد اول

بعض سامعین کی طرف سے درخواست پر دوران خطبہ ہاتھ اٹھا کر دعا کرنا بھی آپ صلی اللہ علیہ وسلم سے ثابت ہے دیکھیں بخاری ومسلم کتاب الجمعۃ کتاب الاستسقاء۔ ۱۹/ ۱۱/ ۱۴۱۶ ھ

س: عرض ہے کہ ہمیشہ جمعہ کے دن خطبہ سے پہلے ۴ رکعات سنت پڑھتے ہیں پھر ۲ فرض پڑھے جاتے ہیں اور اس کے بعد ۲ سنت پڑھی جاتی ہیں اس طرح جمعہ اورنماز ادا ہو گی لیکن حدیث ہے کہ صحابی آیا آپ خطبہ دے رہے تھے آپ نے فرمایا ۲ رکعات پڑھ کر بیٹھو کیا صحابہ گھر سے سنتیں پڑھ کر آتے تھے اور یہ دو رکعات نفل ہیں یا جمعہ سے پہلے عام ظہر نماز کی طرح ۴ رکعات پڑھنی چاہئیں کیا جمعہ کے فرض کے بعد دو سنتیں پڑھنی چاہئیں یا چار ؟ حاجی محمد دین ضلع لیہ

ج: نماز جمعہ سے قبل رکعات کی تعداد متعین نہیں خطبہ شروع ہونے سے پہلے جس قدر میسر ہو نماز پڑھ سکتے ہیں دو رکعات ، چار رکعات ، چھ رکعات ، آٹھ رکعات یا اس سے بھی زیادہ رسول اللہ صلی اللہ علیہ وسلم کا فرمان ہے﴿ فَصَلّٰی مَا کُتِبَ لَہٗ﴾[1] [پس اس نے نماز پڑھی جو اس کے لیے لکھی گئی تھی] اور ایک روایت میں ہے﴿فَصَلّٰی مَا قُدِّرَ لَہٗ﴾ [2] [اس نے نماز پڑھی جتنی اس کے مقدر میں ہے] آپ کا یہ فرمان خطبہ جمعہ شروع ہونے سے پہلے آنے والے کے متعلق ہے جیسا کہ حدیث کے سیاق ومتن سے واضح ہے اور اگر انسان مسجد میں پہنچا تو خطبہ شروع ہو چکا تھا تو پھر وہ صرف دو رکعات پڑھے وہ بھی ہلکی پھلکی جیسا کہ صحیح مسلم میں ہی ہے کہ رسول اللہ صلی اللہ علیہ وسلم نے فرمایا جب تم میں سے کوئی داخل ہو اس حال میں کہ امام خطبہ دے رہا ہو تو وہ ہلکی پھلکی دو رکعتیں پڑھے ۔

رہا جمعہ کے بعد تو دو رکعت بھی پڑھ سکتا ہے اور چار بھی پڑھ سکتا ہے اور ایک حدیث سے چھ پڑھنا بھی ثابت ہوتا ہے صحیح مسلم میں ہے﴿مَنْ کَانَ مِنْکُمْ مُصَلِّیًا بَعْدَ الْجُمُعَۃِ فَلْیُصَلِّ اَرْبَعًا﴾ [3] [جو تم میں سے جمعہ کے بعد نماز (سنتیں) پڑھے پس وہ چار رکعات ادا کرے ] ۷/۱۰/۱۴۱۶ ھ

س: (۱) جمعہ کی کل رکعات کتنی ہیں ؟(۲) جمعہ کے دن زوال ہوتا ہے یا نہیں ؟ابو عبدالقدوس بن مقبول احمد سمندری فیصل آباد

ج: (۱) جمعۃ المبارک کا خطبہ شروع ہونے سے پہلے پہنچے تو خطبہ شروع ہونے تک جتنی چاہے نماز پڑھ لے ۔ ایک حدیث میں﴿فَصَلّٰی مَا قُدِّرَ لَہُ﴾ اور ایک میں ہے﴿ فَصَلّٰی مَا کُتِبَ لَہُ﴾ اور خطبہ شروع ہونے کے بعد پہنچے تو ہلکی پھلکی دو رکعتیں پڑھ لے صحیح مسلم میں ہے ۔﴿اِذَا جَائَ اَحَدُکُمْ وَالْاِمَامُ یَخْطُبُ فَلْیَرْکَعْ رَکْعَتَیْنِ وَلْیَتَجَوَّزْ فِیْہِمَا﴾ [4] [جب تم میں سے کوئی ایسے وقت مسجد میں آئے کہ امام خطبہ دے رہا ہو تو اسے دو مختصر سی رکعتیں پڑھ لینی چاہئیں ]اور جمعہ کی نماز فرض کے بعد دو رکعت والی حدیث بھی ہے چار رکعت والی بھی اور چھ رکعت